Ulytaý oblysynyń turǵyny birinshi dúnıejúzilik soǵystan qalǵan qarýyn quzyrly organdarǵa ótkizdi, dep habarlaıdy Egemen.kz Polisia.kz saıtyna silteme jasap.
Ulytaý oblysy Jańaarqa aýdanynyń 56 jastaǵy turǵyny polısııa qyzmetkerlerine Mannlicher M1895 myltyǵyn óz erkimen tapsyrdy.
«Kez-kelgen qarý adam ómirine qaýipti. Sondyqtan ol árdaıym baqylaýda bolǵany durys. Bul qarýdyń tarıhy tereńde jatyr. Qarııaǵa myltyq týysqandarynan mura retinde qalǵan. Zertteý barysynda oblystyq PD krımınalısteri bul qarý birinshi dúnıejúzilik soǵyz kezeńinen qalǵanyn anyqtady. Soǵan qaramastan ol áli de jumys istep tur», delingen habarlamada.
Gúlshahra SANSYZBAI