Qaraǵandyda 7 men 18 jas aralyǵyndaǵy balalar men jasóspirimder úshin qoǵamdyq kólikte júrý tegin bolady. Qaraǵandy oblysynyń ákimi Ermaǵanbet Bólekpaev bul máseleni pysyqtaýdy tapsyrdy, dep habarlaıdy Egemen.kz.
Bul ásirese kópbalaly otbasylar úshin úlken qoldaý bolmaq.
«Qaraǵandyda 7 men 18 jas aralyǵyndaǵy 110 myńǵa jýyq turǵyn bar. Elektrondy bıletti engizý jáne avtobýstardy jańartýǵa baılanysty men olarǵa Qaraǵandy qalasy boıynsha tegin júrýdi qamtamasyz etýdi tapsyrdym», dedi oblys basshysy.
E.Bólekpaev bul sheshimdi apatty jaǵdaıda turǵan №44 mekteptiń ustazdar qaýymy men oqýshylardyń ata-analarymen kezdesý barysynda aıtty.
1948 jylǵy ǵımaratty qalpyna keltirý múmkin emes. Onyń ornyna jańa bilim oshaǵyn salýdy josparlap otyr. Oqýshylar men muǵalimder №64 mektepke aýystyryldy.