Qorǵanys mınıstri Serik Ahmetov jumys saparymen Almaty gornızonynda boldy. О́ńirge barǵan kezinde mınıstr qorǵanys-ónerkásiptik keshenniń kásiporyndaryn, arnaýly maqsattaǵy áskerı bólimderdi aralap kórdi.
S.Ahmetov, sondaı-aq, «Arystan» mamandandyrylǵan lıseıinde bolyp, áskerı bilim berý mekemesiniń ekinshi túlekteri atanǵaly otyrǵan tárbıelenýshilerdi saltanatty shyǵaryp salý is-sharasyna qatysty.
Nursultan Nazarbaevtyń Bilim berý qorynyń qarjysyna salynǵan «Arystan» lıseıinde elimizdiń barlyq óńirlerinen daryndy jasóspirimder oqıdy. Oqýshylardyń kópshiligi – pándik olımpıadalar boıynsha halyqaralyq jáne respýblıkalyq jarystardyń jeńimpazdary.
Saltanatty rásim bastalar aldynda Serik Ahmetov, mekemeniń qamqorshylar keńesiniń tóraǵasy Tımýr Qulybaev, BǴM-niń jaýapty hatshysy Álııa Ǵalymova, AQSh-tyń Qazaqstandaǵy Ýaqytsha senimdi ókili Djon Ordveı, sondaı-aq, birqatar shet memleketterdiń áskerı attasheleri lıseıdiń kabınetterin, sporttyq bazasyn, ashanasyn, medısınalyq ortalyǵy men jataqhanasyn kórip shyqty.
Meımandardyń kózderi jetkenindeı, kazarmalyq negizdegi arnaıy mektepte áskerı mamandyqqa tárbıelenýshiler men fızıka-matematıka pánderine yńǵaıy bar balalarǵa oqý úderisteri úshin barynsha jaqsy jaǵdaı jasalǵan. Keń de jaryq aýdıtorııalar, jańa qural-jabdyqtar ornatylǵan zerthanalar, baı kitaphana qory qaı kezde de oqýshylardyń ıgiliginde. Oqý jáne tamaq tegin. Onyń ústine jaqsy oqıtyndarǵa aı saıyn stıpendııa aýdarylyp turady.
Tálimgerler bul kúndi keń kólemde atap ótti. Mereke úrlemeli orkestrdiń únimen saltanatty sap túzýden bastaldy. Jasóspirimderdi lıseıdi bitirýlerimen quttyqtaǵan Qorǵanys mınıstri ótken jyly lıseıdiń alǵashqy shyǵarylymy bolǵanyn eske saldy. Búginde «Arystannyń» kóptegen tárbıelenýshileri sheteldik jáne otandyq jetekshi áskerı JOO-larda, IIM, UQK akademııalarynda, qarjy polısııasynda, sonymen qatar, Nazarbaev Ýnıversıtetinde oqýlaryn jalǵastyrýda.
Buǵan lıseıde halyqaralyq standarttarǵa jaýap beretin zamanaýı bilim berý bazasynyń bolýy arqasynda qol jetkizilip otyr. Munda tájirıbeli de joǵary bilikti pedagogtar jumys isteıdi. Olar árqashan oqýshylarynyń boıynda tulǵalyq qasıetterdi qalyptastyrýǵa basa kóńil bóledi. О́zderiniń ómirlerin áskerı qyzmetpen baılanystyrǵysy keletin jastar úshin mundaı qasıetterdiń qajet ekeni aıtpasa da túsinikti.
Tálimgerlerge qarata aıtqan sózinde S.Ahmetov: «Arystan» lıseıi shyn máninde óz bolashaǵyn áskerı qyzmetpen baılanystyratyndardy tárbıeleıdi. Qarýly Kúshterdiń kadrlyq ofıseri bolýdy, týǵan eliniń qaýipsizdigin nyǵaıtýǵa úles qosýdy armandaıtyndarǵa arnalǵan mektep bolyp tabylady», – dedi. Al, óz kezeginde, T.Qulybaev ta sóz arnap, tálimgerlerdiń laıyqty Otan qorǵaýshylar bolýyna tilektestigin bildirdi. Osy arada aıta ketetin bir jaıt – oqý ozattary Danııar Imanqulov pen Abylaı Orazhanov qazirdiń ózinde AQSh-tyń Áskerı-teńiz kúshteri men Áskerı-áýe kúshteri akademııalaryna oqýǵa túsip úlgerse, Nurbek Rysqojaev, Konstantın Makarov, Shymbolat Qaıyrbekov jáne Aıbek Kerimbek qujattaryn Reseıdiń, Túrkııanyń, Belarýstiń áskerı ınstıtýttaryna jiberipti.
Attestattar men tósbelgilerdi tapsyrý rásiminen soń tálimgerler meımandarǵa sapta júrý mashyqtaryn kórsetti. Plas ústinde A.Jubanov atyndaǵy respýblıkalyq mýzyka mektebi oqýshylary ult-aspaptar orkestriniń shaǵyn konserti qoıyldy. Sazger balalar tálimgerler valsin quıqyljyta oryndaǵanynan keıin tálimgerler alleıasy aýmaǵynda 2024 jyldyń lıseıshileri úshin tilekter jazylǵan quty-kapsýla salyndy. Saltanatty shara keshqurym merekelik balmen jáne jastar dıskotekasymen máresine jetti.
«Egemen-aqparat».