Dárigerler úıge de kirdi, kólikke de mindi

Shyǵys óńirindegi medısınalyq mekemelerge 117 avtokólik syıǵa tartyldy Bıyl shyǵysqazaqstandyq dárigerler memleket tarapynan aıryqsha syıǵa ıe bolyp otyr. Adam ómirine arasha túsip júretin aq jeleńdi abzal jandardyń tól merekesi Semeı shaharynda atalyp ótip, óńirdegi medısınalyq mekeme ujymdaryna 117 avtokóliktiń kilti tapsyryldy. Sársenbiniń sátinde Semeı qalasynyń ortalyq alańynda, Qozybaǵarov kóshesi boıynda túrli-tústi lentamen kómkerilgen jańa avtokólikter, Abaı teatrynyń mańdaıshasyndaǵy banner men jelbiregen jalaýshalar, qyzyldy-jasyldy sharlar medısına qyzmetkerleri kúniniń mańyzyn arttyra, dárigerlerdiń kóńilin kótere tústi. Sahnada bir kezdegi dala qosyndary men áskerı gospıtaldan bastap búgingi zamanaýı ámbebap medısına mekemesine deıin kórinis tapqan teatrlandyrylǵan qoıylym kórsetildi. Saltanatty sharaǵa jınalǵan dárigerlerdi tól merekelerimen óńir basshysy Berdibek Saparbaev quttyqtady. Aımaq basshysy halyqtyń densaýlyǵyn nyǵaıtý jolyndaǵy Elbasy júktegen mindetter men tapsyrmalardy oryndaýda shyǵysqazaqstandyq dárigerlerdiń aıanbaı eńbek etip jatqanyn erekshe atap ótip, óńir medısınasynyń sońǵy jyldar bederinde qarqyndy damı bastaǵanyn jetkizdi. – Memleket basshysy Nur­sultan Nazarbaev álemniń damyǵan 30 eliniń qataryna ený úshin halyqtyń densaýlyǵy myqty bolýy qajettigin aıtyp, naqty tapsyrmalar júktegen bolatyn. Elimizde «Salamatty Qazaqstan» baǵdarlamasy sátimen júzege asyrylýda. Jyl saıyn medısınany damytýǵa orasan qarjy bólinedi. Shyǵys Qazaqstan oblysynyń ózinde densaýlyq saqtaý salasyn qarjylandyrý jyl saıyn 20 paıyzǵa ulǵaıyp keledi, – dedi óńir basshysy. Semeıde sońǵy jyldyń ózin­de kópsalaly jedel járdem aýrý­hanasy paıdalanýǵa berildi. Saýd Arabııasynyń demeý­shi­ligimen týberkýlezge qarsy balalar aýrýhanasynyń qury­lysy júrgizilýde. Sondaı-aq, medı­sınalyq jedel járdem stansasyn qurylymdaý jumystary bas­taldy. Memlekettik medısı­na ýnıversıteti bazasynda Semeı ıadrolyq synaq polıgonynan zardap shekken halyqqa kómek kórsetý maqsatynda iri medısınalyq holdıng qurý josparlanyp otyr. О́ńir basshysy oblys aýma­ǵynda qyzmet etip jatqan medı­sı­nalyq mekemelerge avtokólik­terdiń kiltin tapsyrdy. Jol tal­ǵa­maıtyn sanıtarlyq kólik­ter­diń basym bóligi qashyq eldi meken­derdiń emhanalaryna berildi. Elimizdiń áleýmettik-ekono­mıkalyq damýynyń qarqyn alýy medısına salasynyń zamanaýı jaraqtandyrylýyna sony múmkindikter berip otyr. Sonyń biri retinde óńirde taǵy bir sanı­tar­lyq avıasııanyń qurylýyn aıtýǵa bolady. Bul – oblystaǵy alys aýdandardyń turǵyndaryna jedel medısınalyq kómek kór­se­týge jol ashpaq. Sanıtarlyq tik­ushaq­tyń sımvolıkalyq kilti Semeı qalasynyń jedel medısı­nalyq kómek stansasyna berildi. Bul kúni birqatar dáriger «Qoljetimdi turǵyn úı - 2020» mem­lekettik baǵdarlamasy boı­ynsha baspanaly boldy. Olar­dyń qatarynda Semeı qalasynyń ardagerlerge arnalǵan saýyqtyrý ortalyǵynyń terapevt dárigeri S.Isahanova, Semeı memlekettik medısına ýnıversıteti medı­sı­nalyq ortalyǵynyń hırýrg dárigeri R.Seıithasymov pen meıirbıke Á.Nurbosynova, Zyrıan aýdany ortalyq aýrýhanasynyń dárigerleri T.Pansýlıdze men N.Sýshko, Kókpekti aýdandyq aýrýhanasynyń terapevt dárigeri Á.Kabdrahmanova bar. Saltanatty shara barysynda oblystyń úzdik dárigerleri marapattalyp, túrli dárejedegi dıplomdarǵa ıe boldy. Jyl saıyn uıymdastyrylatyn «Jyldyń úzdik dárigeri» baı­qaýynda SMS arqyly daýys berý qorytyndysy boıynsha Rıdder qalalyq aýrýhanasynyń hırýrgi Q.Ýashpaev, Kúrshim aýdandyq aýrýhanasy hırýrgııa bóliminiń meńgerýshisi Z.Shapatova, Zyrıan aýdandyq aýrýhanasynyń hırýrgııa bóliminiń meńgerýshisi B.Ǵalıev jeńimpaz atandy. Shara sońy qalanyń shyǵar­ma­shylyq ujymdary, medı­sınalyq kolledjderdiń stýdentteri já­ne ártisterdiń qatysýymen ázir­len­gen merekelik konsertke ulasty. Dýman ANASh, «Egemen Qazaqstan». SEMEI.