Keshe Bakýde bastalǵan túrkitildes elder Parlamenttik Assambleıasy sharalary aıasynda qazaqstandyq parlamentshiler delegasııasynyń basshysy, Májilis Tóraǵasy Qabıbolla Jaqypov Túrkııa Uly Ulttyq Jınalysynyń tóraǵasy Djemıl Chıchekpen kezdesti, dep habarlady Májilistiń baspasóz qyzmeti.
Taraptar halyqaralyq birlestikter aıasynda etene yntymaqtastyq pen ózara qoldaýdyń elder arasyndaǵy strategııalyq qatynaspen sáıkes keletinin alǵa tarta otyryp, ózara is-qımyldy odan ári kúsheıtýdiń jańa qyrlaryn sóz etti.
Qabıbolla Jaqypov Qazaqstannyń halyqaralyq bastamalaryna, sonyń ishinde, Astanada EKSPO-2017 kórmesin ótkizýge qoldaý kórsetkeni úshin Túrkııa tarapyna alǵysyn bildirdi.
О́z kezeginde Djemıl Chıchek Qazaqstan Prezıdenti Nursultan Nazarbaevtyń saıası baǵytynyń moıyndalǵandyǵyn, ol bizdiń elderimizdi odan ári qarqyndy damytýǵa yqpal etetinin aıta kelip, Qazaqstan – Túrkııa yntymaqtastyǵynyń tek eki el ǵana emes, búkil túrkitildes memleketter úshin tıimdiliginiń zor ekenin atap ótti.
Ol Túrkııa keleshekte de Qazaqstannyń halyqaralyq bastamalaryn qoldaýǵa daıyn ekenin jetkizdi.
Al parlamentaralyq yntymaqtastyq jaıyn sóz etkende Qabıbolla Jaqypov ótken jyly Ankarada qol qoıylǵan Túrkııa Uly Ulttyq Jınalysy men Qazaqstan Parlamenti Májilisi arasyndaǵy yntymaqtastyq týraly kelisimniń mańyzdylyǵyna toqtaldy. Sondaı-aq, ol Túrkııanyń TúrkPA tóraǵalyǵyna joǵary baǵa bere kelip, aldaǵy ýaqytta da túrkitildes elder arasyndaǵy parlamentaralyq yqpaldastyqqa qatysty ár salada túrli sharalardy ótkizýdiń dástúrge aınalatynyn jáne ony uıymǵa múshe barlyq memleketterdiń qoldaıtynyn jetkizdi.