Bir jylda baǵa 17%-ǵa ósken, dep habarlaıdy Egemen.kz Energyprom.kz saıtyna silteme jasap.
2022 jylǵy qańtar–jeltoqsanda kúnbaǵys maıy óndirisi 537,1 myń tonnany qurady, bul 2021 jyldyń sáıkes kezeńimen salystyrǵanda 62,2%-ǵa artyq.
Mundaı aıtarlyqtaı ósim tazartylmaǵan kúnbaǵys maıy óndirisiniń bir jylda 2,1 ese, ıaǵnı 376,7 myń tonnaǵa deıin kóbeıýi esebinen bolyp otyr. Tazartylǵan kúnbaǵys maıynyń óndirisi bir jylda 8,7% ǵana ósip, 160,4 myń tonnany qurady.
2022 jyldyń qańtar–qazan aılarynyń qorytyndysy boıynsha jergilikti kompanııalar kúnbaǵys maıyna suranysty (ishki naryqtaǵy satý jáne eksport) 81,5% qamtamasyz etti. Osy kezeńde ónim kólemi 389,9 myń tonnaǵa jetip, 2021 jylǵy qańtar–qazanmen salystyrǵanda 47,1%-ǵa kóbeıdi, ımport ta bir jylda 28%-ǵa ósip 88,6 myń tonnany qurady.
Aıta keteıik, kúnbaǵys maıynyń eksporty birden 2,5 ese ósip, 187,5 myń tonnaǵa jetti (resýrstardyń 40%-ǵa jýyǵy). Bul rette ishki naryqtaǵy satylym 12% ǵana ósip, 291,1 myń tonnany qurady.
2022 jyldyń jeltoqsan aıynyń sońynda kúnbaǵys maıy bir aıda 0,4%, bir jylda 17,1% qymbattady. Eske salsaq, 2021 jyldyń jeltoqsan aıynda sektordaǵy baǵanyń bir aıdaǵy ósimi 0,1%, jyldyq ósim 30,1% bolǵan.
О́ńirler boıynsha kúnbaǵys maıy baǵasynyń bir jyldyq qymbattaýy Soltústik Qazaqstan oblysynda 10%-dan Qaraǵandy oblysynda 25,1%-ǵa deıin aýytqıdy. Baǵanyń aıtarlyqtaı ósýi sondaı-aq Almatyda (23,4%) jáne Ulytaý oblysynda (22,1%) baıqaldy.
2022 jylǵy jeltoqsanda kúnbaǵys maıynyń ortasha bólshek saýda baǵasy lıtrine 910 teńge boldy.
Kúnbaǵys maıy eń qymbat óńirler Qonaev pen Jezqazǵan qalalary (1024 jáne 1003 teńge). Eń arzan qala Semeı men О́skemen (777 jáne 783 teńge).