Elordada 2019 jyldan beri «Halyq qatysatyn bıýdjet» jobasy iske asyp keledi. Tabysty júzege asyp kele jatqan bastama aıasynda bir jyl ishinde qalanyń tórt aýdanynda júzden astam aýla abattandyryldy, dep habarlaıdy Egemen.kz Astana ákimdiginiń baspasóz qyzmetine silteme jasap.
«Halyq qatysatyn bıýdjet» jobasy elorda turǵyndaryna jumystyń barlyq kezeńinde aýlalar men úı mańyndaǵy aýmaqtardy damytýǵa jáne abattandyrýǵa tikeleı aralasýyna múmkindik beredi.
О́tken jyly Almaty aýdanynda atalmysh jobaǵa qatysýǵa 54 ótinim berildi, onyń 23-i maquldandy. Olardyń arasynda 12-si balalar alańdary men demalys aımaǵyn abattandyrý, 5-eýi jaryq berý júıesi jáne 6-aýy kógaldandyrý boıynsha iske asatyn jobalar.
О́tinimderdi irikteýdi saraptamalyq keńes júrgizdi, onyń quramyna aýdannyń belsendi turǵyndary, aýdandyq ákimdiktiń qoǵamdyq uıymdary men qurylymdyq bólimsheleriniń ókilderi kirdi.
Joba aıasynda Baıqońyr aýdanynda 15 aýla jańartyldy. Munda jańa oıyn alańdary men demalys aımaqtary salyndy, kógaldandyrý júrgizildi, jergilikti balalar men eresekter úshin belsendi demalys uıymdastyryldy. Aıta keteıik, bıyl taǵy 15 aýlany abattandyrý josparlanyp otyr.
2022 jyly Esil aýdanynyń ákimdigine baǵdarlamaǵa qatysýǵa 75 ótinim kelip tústi. Saraptamalyq keńes iske asyrý maqsatynda 42 jobany tańdady.
Aıta keteıik, 2019 jyldan bastap Saryarqa aýdanynda «Halyq qatysatyn bıýdjet» jobasy boıynsha turǵyndardyń 54 bastamasy iske asyryldy. О́tken jyly ǵana aýdanda 45 aýla jańartyldy, onyń 23-i turǵyndardyń elorda bıýdjetine qatysýy aıasynda iske asyryldy.
Bıyl da aýdan ákimdikteri «Halyq qatysatyn bıýdjet» jobasyna atsalysý úshin qala turǵyndarynyń ótinimderin qabyldaı bastaıdy. Mysaly, Saryarqa jáne Esil aýdanynyń ákimdikteri atalǵan jumysty bastap ketti. Qalǵandary atalǵan jobanyń bastalǵany týraly keıinirek habarlaıdy. Turǵyndar aýlalardy kúrdeli jóndeý, gúlzarlar, saıabaqtar, qoǵamdyq keńistikter salý, aýmaqtardy kógaldandyrý jáne basqa da usynystaryn bildire alady.
Tehnıkalyq tekserý men taldaýdan keıin barlyq jobalar Qazaqstan azamattarynyń daýys berýine usynylady.