Premer-mınıstrdiń orynbasary – Qarjy mınıstri Erulan Jamaýbaev Úkimet kýlýarynda jeńildetilgen avtonesıeleý baǵdarlamasyna qosymsha qarajat bólý máselesine túsinikteme berdi, dep habarlaıdy Egemen.kz.
О́tken jyldyń tamyz aıynda Premer-mınıstrdiń birinshi orynbasary Roman Sklıar Úkimet jeńildetilgen avtonesıeleý baǵdarlamasyna qosymsha qarjy bólý múmkindigin qarastyratynyn aıtqan edi. Osyǵan baılanysty BAQ ókilderi Erulan Jamaýbaevqa halyq arasynda úlken suranysqa ıe bolǵan baǵdarlamaǵa qosymsha aqsha bóline me degen suraq qoıdy.
«Bizge qosymsha ótinimder áli túsken joq, biraq avtonesıeleýden basqa áleýmettik mańyzy bar jobalar bar ekenin de este saqtaǵan jón», dedi mınıstr.
Sonymen qatar «О́nerkásipti damytý qory» AQ Basqarma tóraǵasynyń orynbasary Rınat Ǵapparov jeńildetilgen avtonesıe alýǵa nıet bildirgender sany boıynsha anyqtama daıyndalyp jatqanyn habarlady.
Eske sala ketsek, 2023 jyldyń 6 aqpanynda jeńildetilgen avtonesıe baǵdarlamasyna qatysýǵa ótinimder qabyldana bastady. «О́nerkásipti damytý qory» AQ habarlaǵandaı, autonesie.kz platforformasy arqyly nebári 18 sekýndtyń ishinde 761 adam tolyq ótinish berip úlgergen. Lımıtke jetkennen keıin ótinimderdi qabyldaý avtomatty túrde aıaqtaldy.