Premer-mınıstr Álıhan Smaıylovtyń tóraǵalyǵymen ótken keńeste Qazaqstannyń ishki naryǵyn janar-jaǵarmaı materıaldarymen qamtamasyz etý máseleleri talqylandy, dep habarlaıdy Egemen.kz.
Talqylaý barysynda aldaǵy egis naýqanyna baılanysty munaımen qamtamasyz etý, aradaǵy deldaldyqty boldyrmaý máselelri aıtyldy.
Talqylaýǵa Energetıka mınıstrliginiń, «Samuryq-Qazyna» AQ jáne «QazMunaıGaz» ulttyq kompanııasynyń basshylary qatysty.
Premer-mınıstr óndirýshilerdiń ishki naryqqa janar-jaǵarmaı materıaldaryn úzdiksiz jetkizýin qamtamasyz etý, sondaı-aq kez kelgen jaǵdaıǵa ýaqytyly jedel áreket etý úshin qorlar men satylymdarǵa turaqty rejımde monıtorıng júrgizý qajettigin aıtty.