Kásipker quqyn qorǵaıtyn «QR kod»

О́tken jyldyń ózinde ká­sip­kerler tarapynan bız­nes­­ti qorǵaý jelisi boıynsha 462 ótinish túsken. Bıznes ókil­­deriniń talap-tilekterin sara­la­ǵan kásipkerler palatasy bız­neske tosqaýyl bolǵan mun­daı keleńsiz isterdiń ishin­de salyqtyq jáne kedendik ákim­shi­lendirý júıesine qa­tys­ty – 11, jer máseleleri boıynsha – 24, memlekettik organdardyń áreketine baılanysty 36 shaǵym túskenin aıtady.

«Byltyr qala prokýratýrasymen birlesip, kásipkerlik sýbektilerin qylmystyq qýda­l­­aý aıasyna negizsiz tartýdy anyqtaý boıynsha biraz ju­mys atqaryldy. Ásirese quqyq qorǵaý organdarynyń qyzmetine qylmystyq qýdalaý jelisi bo­ıynsha tekseris kezinde, ká­sip­kerlikke zańsyz aralasý jaǵ­daılary nazarǵa ilindi. Nátı­je­sinde qala prokýratýrasy 21 qylmystyq isti óz betinshe toq­tatty, 51 isti eskertýden ke­ıin tergeý organdarynyń ózi toq­tatýyna týra keldi. Sebebi bul qylmystyq ister zańsyz tergelgen ári kásipkerlerdiń quqy óreskel buzylǵan. Atalǵan ju­mystar turaqty negizde júr­­giziletin bolady», dedi Almaty qalasy kásipkerler pa­la­­tasynyń bıznesti qorǵaý jó­nin­degi sarapshysy Tımýr Zeıneshev.

Budan bylaı mundaı keleń­siz­dikterdiń jolyn kesýmen qu­ra­myna prokýratýra ókilderi kiretin kásipkerlerdiń quqyǵyn qorǵaý jónindegi mobıldi top aınalysady. Mobıldi jumys toby isker azamattardyń quqyn qorǵaýǵa arnalǵan «QR kod» jobasyn tanystyrdy. Endigi jerde zańsyz tekserýge tap bol­ǵan kásipker QR-dy skanerleý arqyly arnaıy saıtta shaǵym qaldyryp, jaǵ­daıǵa baılanys­ty foto, beıne­tú­si­rilim túrindegi dá­lel­derin júk­teı alady. Sıfr­ly tehno­lo­gııanyń arqa­synda joldanǵan shaǵym tıis­ti organǵa áp-sátte túsedi. Shaǵym ıesimen pro­kýratýra jáne kásipkerler pala­ta­synyń ókilderi jarty saǵat­tyń ishinde keri baılanys orna­týǵa tıis. Eger shaǵym rastalsa, másele mo­bıldi toptyń quzyryna óte­di.

Jobany tanystyrǵan Medeý aýdany prokýrorynyń orynbasary Baýyrjan Tólendınov, prokýratýra kásipkerlik ny­san­dardyń bárine QR-kod orna­lastyrýdy josparlap otyr­ǵa­nyn jetkizdi. Osylaısha, sha­har­daǵy dúkender men bazarlarda, dárihanalar men sulýlyq salondarynda, tipti fıtnes or­talyqtary men kásipkerlik keńselerde QR-kod ornatylmaq. Kásipkerlerden túsken barlyq sıgnal qala prokýratýrasynyń derekqorynda saqtalyp, aýdandar boıynsha toptastyrylady. Osylaısha, bul aqparat prokýratýra men kásipkerler palatasyna dabyldardy tal­daý­ǵa jáne qalanyń júıelik prob­lemalarynyń tizilimin qa­lyp­tas­tyrýǵa sep bolmaq.

ALMATY