Almaty – Qorǵas baǵytynda júk tıegen kólikter jappaı apatqa ushyrady, dep habarlaıdy Egemen.kz.
Almaty oblysynyń polıseıleri jol apaty 26 aqpan kúni saǵat 11:00-de Almaty-Shelek-Qorǵas tasjolynyń 42-shaqyrymynda bolǵanyn habarlady.
MAN júk kóligi DAF avtotasyǵyshyna soǵylǵan. Ol soqqy ınersııasynan Mercedes-Benz avtotasymaldaýshysymen soqtyǵysqan.
Qozǵalysyn jalǵastyrǵan MAN júk kóligi búıirine aýdarylyp qaldy. Apat saldarynan avtokólik tasymaldaýshynyń tasymaldanǵan júkteri (avtomobıl túrindegi) zaqymdanǵan. Qurbandar men zardap shekkender joq.
Polıseıler jol-kólik oqıǵasy boıynsha QR ÁQBtK-niń 610-babynyń 2-bóligi «Adamdardyń densaýlyǵyna, kólik quraldarynyń nemese ózge de múliktiń zaqymdalýyna ákep soqqan jol qozǵalysy erejelerin buzý» boıynsha tergeý júrgizip jatyr.