Májilis pen máslıhat depýtattarynyń kezekten tys saılaýynda daýys berýge arnalǵan bıýlletender túrli tústi bolady. Bul týraly Ortalyq saılaý komıssııasynyń tóraǵasy Nurlan Ábdirov málimdedi, dep habarlaıdy Egemen.kz.
Nurlan Ábdirovtiń aıtýynsha, bul komıssııaǵa da, saılaýshylardyń ózderine de daýystardy berý jáne sanaý kezinde yńǵaıly bolý úshin jasalǵan. Sondaı-aq saılaý bıýlletenderiniń ólshemi de ózgeretini habarlandy.
«Bıýlletender sany birneshe ese artyp keledi. Sonymen birge biz tıisti tájirıbe jasap, ádettegi A4 ornyna A5 ólshemdi bıýlleten qoldaný tıimdi ekenin ańǵardyq», dep atap ótti Nurlan Ábdirov.
Ortalyq saılaý komıssııasy tóraǵasynyń orynbasary Konstantın Petrov esepten shyǵarý kýálikteriniń de túsi ártúrli bolatynyn aıtty.
«Kýálikterdiń bes túrli túsi bolady, bul ákimshilikke qosymsha ashyqtyq beredi», dep qosty Konstantın Petrov.