«Qazgıdromet» RMK 11 naýryzdaǵy derekteri boıynsha daýyldy eskertý jarııalady, dep habarlaıdy Egemen.kz.
Bul týraly TJ mınıstrligi habarlady. 2023 jyldyń 12 men 14 naýryz aralyǵynda Jambyl, Jetisý, Almaty oblysy jáne Almaty qalasy mańyndaǵy taýly aımaqtarynda qatty jańbyr boljamyna baılanysty betkeılik aǵynnyń qalyptasýy jáne ózenderde sý deńgeıleriniń joǵarylaýy kútiledi.
2023 jyldyń 12 men 14 naýryz aralyǵynda Shyǵys Qazaqstan, Atyraý, Aqtóbe jáne Batys Qazaqstan oblystarynda aralas jaýyn-shashyn boljamyna, sondaı-aq temperatýralyq fonnyń joǵarylaýyna baılanysty qarqyndy qar erýi, erigen qar jáne betkeılik aǵyndynyń qalyptasýy, muzdyq qubylystardyń álsireýi jáne ózenderde sý deńgeıleriniń kóterilýi kútiledi, bul rette sýdyń jaıylýy jáne tasqyny bolýy múmkin.