Jańa Buqtyrma aýylyndaǵy kópqabatty úıden órt shyqty. Páter qatty tútinge oranyp, jıhazdar órtengen, dep habarlaıdy Egemen.kz.
Izdestirý jumystary kezinde jatyn bólmeden úsh máıit tabyldy.
«47 jastaǵy eki er adam men 45 jastaǵy áıel adamnyń deneleri tabyldy. Kórshilerdiń aıtýynsha, órtengen úı turǵyndary túnde ishimdik ishken. Bul páterdiń ıesi jáne onyń qonaqtary ekeni anyqtaldy», deıdi Altaı aýdany boıynsha tótenshe jaǵdaılar basqarmasynyń aǵa tergeýshisi Anton Kozýbov.
Altaı aýdandyq polısııa bóliminde sotqa deıingi tergeý bastaldy.