Eńbek jáne halyqty áleýmettik qorǵaý mınıstri Tamara Dúısenova zeınet jasyndaǵy qyzmetkerlerdiń jumysyn jalǵastyrý múmkindigine qatysty pikir bildirdi, dep habarlaıdy Egemen.kz.
«Eńbek kodeksine sáıkes, jumys berýshilerge qyzmetkerdiń eńbek ótiline qaraı eńbek shartyn jalǵastyrý nemese jalǵastyrmaý týraly sheshim qabyldaýǵa múmkindik berildi. Kóptegen jumys berýshiler mundaı jumysshylardy burynǵy qyzmetinde sol jalaqymen qaldyrady», dedi Tamara Dúısenova Senat otyrysynda.
Onyń aıtýynsha, Eńbek mınıstrligi mundaı múmkindikke kedergi keltirmeıdi.
«Sonymen qatar olar respýblıkalyq bıýdjetten qarastyrylǵan zeınetaqy tólemderin alatyn bolady. Iá, keı jaǵdaılarda bul otbasylyq bıýdjetke qajet bolǵandyqtan jumysyn jalǵastyrǵysy keletin adamdar bolýy múmkin. Bul adamnyń óz tańdaýy», deıdi Tamara Dúısenova.
Bul rette tilshiler mınıstrge «Zeınet jasyna jetkende jumysyńyzdy jalǵastyrasyz ba?» degen suraq qoıdy.
«Eger meniń tájirıbem qajet bolsa, men jumysty jalǵastyrar edim. Tájirıbem qajet bolmasa, árıne, men de zeınetkerlikke shyǵamyn. Zeınetaqy tólemderin alamyn», dep jaýap berdi T.Dúısenova.