Qazaqstan Respýblıkasy Parlamenti Májilisi men máslıhattary depýtattarynyń kezekten tys saılaýy Qaraqııa aýdanynda dál ýaqytynda bastaldy, dep habarlaıdy Egemen.kz.
Tańǵy saǵat 7:00-de saılaýshylarǵa esigin aıqara ashqan daýys berý ýchaskelerinde QR Ánurany saltanatty túrde oryndaldy.
Quryqta dál qazir kún ashyq, turǵyndar da kóterińki kóńil-kúımen kelip, el bolashaǵy úshin óz tańdaýlaryn jasaýda. Tańnan turyp 145 saılaý ýchaskesine birinshi bolyp kelgen birneshe saılaýshy arnaıy syılyqqa ıe boldy.
Aıta keteıik, Qaraqııa aýdany boıynsha 18 saılaý ýchaskesi jumys istep tur. Olar tańǵy 7:00-den keshki saǵat 20:00-ge deıin saılaýshylardy úzdiksiz qabyldaıdy.
Aýdan boıynsha 20 306 saılaýshy bar. Qaraqııada oblystyq jáne aýdandyq máslıhat depýtattarynyń saılaýyna barlyǵy 44 kandıdat tirkeldi. Onyń ishinde Mańǵystaý oblysynyń máslıhatyna 4 kandıdat, Qaraqııa aýdandyq máslıhatyna 40 kandıdat tirkelgen.