Qazaqstannyń jas tennısshileri Úndistannyń Dehradýn qalasynda ótip jatqan jarystarda keremet nátıjege qol jetkizdi, sportshylar eki altyn medal jeńip aldy, dep habarlaıdy Egemen.kz.
Qyzdar arasynda jekeleı synda jartylaı fınal qazaqstandyq sportshylardyń arasynda ótti. Olardyń birinshisinde Arýjan Nuranbaı Albına Kakenovadan jeńilse, basqa matchta Anastasııa Krymkova Arıanna Gogýlınany jeńdi. Chempıon ataǵy úshin jekpe-jekte Kakenova Krymkovadan 6:1, 6:4 esebimen ozdy.
Bas júlde úshin sheshýshi matchta Anastasııa Krymkova men Satıma Tóregenniń dýeti óz jerlesteri Gogýlına men Kakenovany 6:4, 6:4 esebimen utty.
Bir apta buryn Gýrgaon korttarynda ITF Juniors World Tennis týrnırinde 14 jasar Arıanna Gogýlına chempıon atanǵan edi.