Amal merekesine oraı «Samuryq-Qazyna» AQ mańǵystaýlyq balalarǵa 21 oıyn alańyn syıǵa tartty.
«Samuryq-Qazyna» qorynyń basqarýshy dırektory Ǵıbrat Aýǵanovtyń aıtýynsha, bul jobaǵa 1 mlrd teńgeden astam qarajat bólingen. 2022 jyly «Samruk-Kazyna Trust» qory arqyly Mańǵystaý óńirinde quny 1,8 mlrd teńgeni quraıtyn 8 áleýmettik joba júzege asyrylǵan.
– Bizdiń qor qaıyrymdylyq kómek kórsetý barysynda jobalardyń júıeliligi jáne kompanııalar tobynyń kásiporyndary bar óńirlerdi qamtý, turǵyndardyń ál-aýqatyn jaqsartýǵa aıryqsha nazar aýdarady. Naýryz aıynyń sońyna deıin qoldanysqa beriletin sport alańdary halyq ıgiligine qyzmet etedi degen senimdemin, deıdi Ǵıbrat Aýǵanov. Iаǵnı naýryz aıynyń sońyna deıin 400-den 1200 sharshy metrge deıingi aýmaqty quraıtyn taǵy da 18 alańnyń qurylysy aıaqtalyp, qoldanysqa beriledi.
Jańaózen qalasy ákiminiń orynbasary Jańabaı Aımaǵanbetov «Samuryq-Qazyna» AQ kompanııalar toby atynan qaıyrymdylyqtyń biryńǵaı operatory «Samruk-Kazyna Trust» qory Jańaózen qalasynda kóptegen áleýmettik máseleni sheshýde qoldaý kórsetip keletinin aıtady.
– О́tken jyly jańaózendik mektepterdi jańa partalar jıyntyǵymen jáne ınteraktıvti taqtalarmen jabdyqtaýǵa, ońaltý ortalyǵynyń, beıimdelgen sport seksııalary men kesheniniń ashylýyna kómektesti. Bul qalanyń damýyna jáne balalarymyzdyń jarqyn bolashaǵyna qosqan baǵa jetpes úles dep baǵalaımyn. Ári qaraı da yntymaqtastyǵymyz turaqty jáne tabysty bolady dep úmittenemiz, dedi Jańabaı Aımaǵanbetov.
Turǵyndardyń aıtýynsha, kólemi 1200 sharshy metrge deıingi oıyn alańdary sapa jaǵynan barlyq talaptarǵa saı bolyp josparlanyp, qurylys jumystary Jańaózen qalasy men Jetibaı aýylynda ótken jyldyń aqpan aıynda bastalǵan.
– «Samuryq-Qazyna» ulttyq ál-aýqat qorynyń qarjylandyrýymen salynyp, paıdalanýǵa berilip otyrǵan nysan jastar men balalar úshin bos ýaqytyn tıimdi ári paıdaly ótkizip, densaýlyǵyn shynyqtyratyn taptyrmas oryn bolmaq. Turǵyndardyń atynan úlken alǵysymyzdy bildiremiz. Endi osy jerdi árkim, ásirese ata-analar jaǵy kóziniń qarashyǵyndaı kútip ustasa eken, dedi jańaózendik qoǵam belsendisi, ÚEU ókili Rýhııa Qaldybaı. Sondaı-aq sharaǵa kelgen «QazMunaıGaz» UK» AQ qarasty «Oil Services Company» JShS qyzmetkeri Ádilet Mútáli tamasha alańǵa kýá bolyp, munaıshy jastar atynan alǵys bildirdi.
Mańǵystaý oblysy