Kentaý qalasyndaǵy № 23 orta mektebiniń 5 synyp oqýshysy Arýjan Smaıyl bıleı alatyn robot jasap shyǵardy, dep habarlaıdy Egemen.kz.
Arýjan oqýshylar saraıyna baryp, robototehnıka úıirmesine qatysyp júr.
«Bizdiń basty maqsatymyz - «Arqan tartys», «Kókpar», «Teńge alý» sııaqty ulttyq oıyndarymyzdy tehnıkalyq salamen baılanystyrý jáne óskeleń urpaqtyń bilimine tikeleı jol ashý», deıdi Aqnıet Elemesova.
Oqýshynyń aıtýynsha, úıirmege qatysqannan keıin onyń robototehnıkaǵa degen qyzyǵýshylyǵy artqan.
Ol ulttyq dástúrlerdi nasıhattaýǵa baǵyttalǵan joba qurǵysy keldi.
«Qara jorǵa» bıleıtin erekshe robotty mektep oqýshysy naýryz merekesine oraı jasaǵan. Arýjan robototehnıkada ǵana emes, jaratylystaný–matematıka pánderin de jaqsy oqıdy.