Memleket basshysynyń Jarlyǵymen Zúlfııa Bolatqyzy Súleımenova Qazaqstan Respýblıkasynyń Ekologııa jáne tabıǵı resýrstar mınıstri laýazymyna taǵaıyndaldy, dep habarlaıdy Egemen.kz Aqorda baspasóz qyzmetine silteme jasap.
2013-2014 jyldary Qazaqstannyń Jasyl ekonomıka koalısııasynda sarapshy bolyp jumys istedi.
2014-2015 jyldary QR Prezıdenti janyndaǵy Qazaqstannyń strategııalyq zertteýler ınstıtýtynyń (QSZI) syrtqy saıasat jáne halyqaralyq qaýipsizdik bóliminde ǵylymı qyzmetker boldy.
2015-2018 jyldary Bangkokta (Taıland) BUU ESKATO Qorshaǵan orta saıasaty men qorshaǵan orta jáne damý dıvızıonyn damytý seksııasynda konsýltant boldy.
2018-2019 jyldary Túrikmenstandaǵy BUU Damý baǵdarlamasynda halyqaralyq konsýltant, Qazaqstandaǵy BUU Damý baǵdarlamasynda ulttyq konsýltant, Bangkokta (Taıland) BUU ESKATO-nyń Qorshaǵan orta saıasaty men qorshaǵan orta jáne damý dıvızıonyn damytý seksııasynda keńesshi qyzmetterin atqardy.
2020-2021 jyldary QR Ekologııa, geologııa jáne tabıǵı resýrstar mınıstrliginiń Klımattyq saıasat jáne jasyl tehnologııalar departamenti dırektorynyń orynbasary qyzmetin atqardy.
2021-2022 jyldary – Qazaqstan Respýblıkasy Parlamenti Májilisi VII shaqyrylymynyń depýtaty, Halyqaralyq ister, qorǵanys jáne qaýipsizdik komıtetiniń múshesi.
2022 jylǵy naýryzdan bastap 2023 jylǵy qańtarǵa deıin – Qazaqstan Respýblıkasynyń ekologııa, geologııa jáne tabıǵı resýrstar vıse-mınıstri.
2023 jylǵy 4 qańtardan bastap QR Prezıdentiniń Jarlyǵymen QR ekologııa jáne tabıǵı resýrstar mınıstri bolyp taǵaıyndaldy.