Kásipkerler janarmaı bolǵan kezde ony belgilengen baǵa boıynsha ýaqytyly ótkizýge mindetti. Bul týraly Májilis depýtattary aldynda jańa zań jobasyn tanystyrǵan Energetıka mınıstri aıtty. Bul rette Almasadam Sátqalıev janar-jaǵarmaı baǵasyn ósirýge túrtki bolǵan sebepterge toqtala ketti.
«Qazaqstan qazirdiń ózinde qory taýsylýǵa shaq qalǵan ken oryndarynan munaı alyp jatyr. Tapshylyqtyń sebebi de osy», dedi mınıstr.
Ol óz sózinde qosymsha uńǵymalardy burǵylaý úshin eksplýatasııalyq jáne bazalyq shyǵyndar kóp bolatynyn jetkizdi.
«Munaı bar, biraq ony óńdeý kezinde paıda bolǵan shyǵyndardy satylym baǵasy jabýy tıis. Bizdegi iri ken oryndaryna keletin bolsaq, eksport kólemin retteıtin halyqaralyq jáne ónim bólinisi týraly kelisimder bar. Olarǵa qomaqty qarjy, ınvestısııa quıyldy. Endi onyń nátıjesin kútip otyrmyz. Tarıfter men basqa shyǵyndardy qosqanda, ózindik qun qalyptasatyny belgili. Qazir satý quny ózindik qunnan tómen bolǵandyqtan biz shyǵynǵa batyp otyrmyz», dedi mınıstr.