2023 jyldyń 5 sáýirinde Memleket basshysy «Qazaqstan Respýblıkasynyń keıbir zańnamalyq aktilerine jer qatynastary salasyndaǵy memlekettik qyzmetterdi sıfrlandyrý máseleleri boıynsha ózgerister men tolyqtyrýlar engizý týraly» zańyna qol qoıdy, dep habarlaıdy Egemen.kz.
Qabyldanǵan zań Aýyl sharýashylyǵy mınıstrligimen jer ýchaskelerin jedel jáne ashyq berý maqsatynda ázirlendi.
Zańda respýblıkalyq mańyzy bar qalalar, astana, oblystyq jáne aýdandyq mańyzy bar qalalar sheginde elektrondyq formatta jer ýchaskelerin berý rásimin ońaılatý kózdelgen, bul jer ýchaskelerine quqyqtardy berýdiń qoldanystaǵy merzimderin 30 jumys kúnine deıin ózgertýge múmkindik beredi.
Atap aıtqanda, atalǵan qalalarda jer komıssııasynyń ınstıtýty alynyp tastalady sondaı-aq birqatar qujattar qysqartylady (jer komıssııasynyń hattamalyq sheshimi, jerge ornalastyrý jobasy).
Kentterdiń, aýyldardyń jáne aýyldyq okrýgterdiń jerleri úshin tehnıkalyq múmkindikterdiń bolmaýyna baılanysty aýyl sharýashylyǵy maqsatyndaǵy jerler tolyq sıfrlanǵanǵa deıin Jer zańnamasymen reglamenttelgen jer ýchaskelerin berýdiń qoldanystaǵy tártibi saqtalady.
Zańmen memlekettik organdarda jáne ózge de uıymdarda qujattardy kelisý barysyna onlaın monıtorıng engiziledi, sondaı-aq jer ýchaskesine quqyq belgileıtin jáne sáıkestendirý qujattaryn tirkeý boıynsha kompozıttik qyzmet engiziledi.
Jer ýchaskelerin elektrondyq berý rásimi Qazaqstan Respýblıkasynyń Sıfrlyq damý jáne aeroǵarysh ónerkásibi mınıstrligi ázirlegen jyljymaıtyn múliktiń biryńǵaı memlekettik kadastrynyń aqparattyq júıesiniń «Jarııa kadastrlyq kartasynda» jer ýchaskesin tańdaý arqyly jergilikti atqarýshy organdardyń geoportaldarynda (óńirlik geoaqparattyq júıelerde) iske asyrylatyn bolady.
Jarııa kadastrlyq karta Qazaqstannyń jer, quqyqtyq jáne qala qurylysy kadastrlarynyń málimetterin jáne memlekettik organdardyń ózge de málimetterin kórsetetin bolady.
Normatıvtik quqyqtyq aktilerdi qabyldaý qajettiligine baılanysty 2023 jylǵy 1 shildeden bastap zańdy iske asyrýdy keıinge qaldyrý kózdelip otyr.