Astana qalasynyń emhanalarynda qosymsha jedel medısınalyq kómek bólimsheleri ashylady. Bul týraly qalalyq MSAK dırektorlarynyń qatysýymen ótken qoǵamdyq densaýlyq saqtaý basqarmasynda ótken keńeste aıtyldy, dep habarlaıdy Egemen.kz elorda ákimdiginiń baspasóz qyzmetine silteme jasap.
Qalalyq №4, №5 jáne №10 emhanalarda jyl basynan jedel medısınalyq kómek bólimsheleri pılottyq rejımde iske qosylǵan bolatyn. Negizgi maqsat – stasıonardaǵy dárigerler júktemesin azaıtý jáne shuǵyl alǵashqy kómek qoljetimdiligin arttyrý.
Qoǵamdyq densaýlyq saqtaý basqarmasynyń basshysy Tımýr Muratovtyń basshylyǵymen elordalyq medısınany damytý máseleleri boıynsha jınalys ótti. Kún tártibindegi birinshi másele taǵy da qosymsha jedel medısınalyq járdem bólimin ashý boldy.
Basqarma basshysynyń aıtýynsha, mundaı bólimshelerdiń kómegimen ýchaskelik dárigerdi úıge shaqyrýlar sany azaıyp, emhanada pasıentterdi qabyldaý ýaqyty artady.
«Pasıentter aýrýhananyń qabyldaý bólimine kúsh túsirmeı, birden emhanada alǵashqy kómek mamanynyń qabyldaýyna kele alady. Al stasıonarda aýrýhanaǵa jatqyzýdy naqty qajet etetin belgili bir kontıngentke kómek kórsetiledi. Iаǵnı shyn mánisinde kómekke muqtaj aýyr deńgeıdegi naýqastar stasıonarda kóp kútpeıdi. №4, №5 jáne №10 qalalyq emhanalarda ashylǵan pılottyq joba jaqsy nátıje kórsetti», dedi Tımýr Muratov.
Eger buryn shamadan tys júkteme saldarynan ýchaskelik dárigerdiń qabyldaýyna jazylý múmkin bolmasa, qazir pasıentter sol kúni shuǵyl túrde jedel járdem dárigerine qaralady.
«Mundaı bólimsheler endi taǵy birneshe emhanada ashý josparda tur. Bizdiń maqsatymyz – medısınalyq kómektiń qoljetimdiligin arttyrý jáne ýaqytyly shuǵyl kómek kórsetýdi qamtamasyz etý», dep atap ótti basqarma basshysy.
Sondaı-aq jınalys «Ardagerler uıymy» respýblıkalyq qoǵamdyq birlestiginiń qalalyq fılıalynyń tóraǵasy Sansyzbaı Esilov egde jastaǵy adamdarǵa medısınalyq kómek kórsetý máselesin qozǵady. Astana qalasy Qoǵamdyq keńesiniń tóraǵasy 60 jastan asqan adamdarǵa qoljetimdi jáne sapaly kómek kórsetý úshin gerontologııalyq kabınetter ashýdy usyndy.