Ákimder ózderiniń qalalarynda, eldi mekenderinde jaıaý júrýi tıis. Bul týraly elimizdiń áleýmettik-ekonomıkalyq damýy jónindegi keńeste Prezıdent Qasym-Jomart Toqaev aıtty, dep habarlaıdy Egemen.kz.
«Bizdiń qalalarymyzdyń nashar kórinetinin, balalar alańdary laıyqty deńgeıde jabdyqtalmaǵanyn moıyndaýymyz kerek. Shetelde bolyp turamyz. Ásirese Shyǵys Eýropada, Balqanda qalalarynyń bıýdjeti birshama az bolǵanyna qaramastan tartymdy kórinetin shaharlary bar. Bul mýnısıpaldy bıliktiń jumysy shyǵar. Degenmen, ekinshi jaǵynan bul sol jerde turatyn adamdardyń da qarym-qatynasyna baılanysty. Ol bizde joq. Qalalyqtar ózderiniń úılerine, kóshelerine jáne basqalaryna qalaı bolsa solaı, beı-bereket qaraıtyndyǵy syndy problemalarmen betpe-bet kelip otyramyz. Mundaı jaıt elordada da oryn alyp otyr. Men elordanyń joǵary mártebesine qalalyq ortalyq qana emes shetki aımaqtary da saı bolýy tıistigin birneshe ret aıttym», dedi Prezıdent.
Osy rette ol barlyq deńgeıdegi ákimderdiń, máslıhat ókilderiniń nazaryn atalǵan máselege aýdardy.
«Taıaýda Semeıdegi balalar alańy týraly sıýjet kórsetildi. Ony paıdalanýdyń ózi qaýipti. Ákimder ózderiniń qalalarynda, eldi mekenderinde jaıaý júrýi tıis. Bul elordaǵa da qatysty», dedi Memleket basshysy.