О́tken túnde elordadan 41 myń tekshe metrden astam qar shyǵaryldy. Kommýnaldyq qyzmetter kúsheıtilgen rejımde jumys istep jatyr, dep habarlaıdy Egemen.kz Astana ákimdiginiń baspasóz qyzmetine silteme jasap.
20 sáýirge qaraǵan túni kommýnaldyq qyzmet Astanadan 41 164 tekshe metr qar shyǵardy, bul 2 766 aýyr júk kólemine teń.
Tańerteń elorda joldary men kóshelerin 2 300 jol jumysshysy tazalady, qar kúreý barysynda myńnan astam arnaıy tehnıka paıdalandy.
Jalpy, qys bastalǵaly beri qaladan 4,2 mln tekshe metrden astam qar shyǵaryldy, polıgondarǵa 333 577 reıs jasaldy.
Eske sala ketsek, sáýir aıynyń ortasynda elordada tolassyz qar jaýdy. Bir apta ishinde jaýyn-shashyn mólsheri aılyq normadan eki ese asyp tústi.