Balalar úshin arnaıy SIM kartalar engizile me?

Baǵdat Mýsın balalardy zańsyz ári qaýipti kontentten qorǵaýdyń túrli nusqalary zerttelip jatqanyn aıtty. «Biz bárimiz, negizinen, balaǵa qajet emes saıttar buǵattalyp, tek damýǵa kómektesetinderi ǵana qalatyn balalarǵa arnalǵan «aq ınternet» máselesin zerttep jatyrmyz. Biz osyny iske asyrýdy josparlap otyrmyz jáne mundaı tarıftik jospardy uıaly baılanys operatorlary satady degen nusqany qarastyryp jatyrmyz», dep jaýap berdi ol.

Sondaı-aq ol qazir san alýan mobıldi tarıfter bar ekenin, «taǵy bir tarıftik jospar artyq etpeıtinin» aıtty.

Eske sala ketsek, 21 sáýirde Oqý-aǵartý vıse-mınıstri Edil Ospan balalarǵa arnalǵan arnaıy SIM-karta engizý ıdeıasyn usynǵan edi.