Astanada qazirgi ýaqytta Uly Otan soǵysynyń 10 ardageri turady. Jeńis kúnine oraı olardyń árqaısysy 1,5 mıllıon teńgeden alady, dep habarlaıdy Egemen.kz qalalyq ákimdiktiń resmı saıtyna silteme jasap.
Elordada turatyn 10 Uly Otan soǵysynyń ardageriniń eń úlkeni – 103 jasta, eń kishisi – 97 jasta. Bıyl Jeńis kúnine oraı olardyń árqaısysyna 1,5 mıllıon teńge tóleý týraly sheshim qabyldandy.
ChAES qatysýshylary men múgedekterinen bólek, jeńildikter boıynsha Uly Otan soǵysynyń ardagerlerine teńestirilgen 436 adam 120 750 teńgeden alady. Olardyń qatarynda UOS kezeńinde qyzmet etken 13 áskerı qyzmetshi, fashıstik Germanııaǵa qarsy is-qımyldarǵa qatysqan jandar, Lenıngradta blokada kezeńinde eńbek etken azamattar, konslagerlerdiń kámeletke tolmaǵan tutqyndary, múgedek bolǵan áskerı qyzmetshiler bar.
О́zge memleketterdiń aýmaǵyndaǵy bolǵan áskerı is-qımyldardyń ardagerlerine (Aýǵanstandaǵy áskerı is-qımyldan basqa) - tájik-aýǵan ýchaskesinde, Iraktaǵy halyqaralyq bitimgershilik operasııasynda, Taýly Qarabaqta etnosaralyq qaqtyǵysty retteýge qatysqan mindetterdi oryndaǵan áskerı qyzmetshilerge 35 AEK (120 750 teńge) mólsherinde tólemder kózdelgen. Elordada 899 adam bar.
Tyl eńbekkerleri, qaza tapqan áskerı qyzmetshilerdiń otbasylary, qaıtys bolǵan UOS múgedekteriniń jubaılary 9 mamyrǵa deıin 11 AEK (37 950 teńge) mólsherinde tólem alady.
Aıta keteıik, ardagerlerge tıisti tólemder 27 sáýirden bastap berile bastaıdy.
Sonymen qatar jergilikti bıýdjet qarajatynan Uly Otan soǵysynyń ardagerlerine mynadaı qyzmetter tegin kórsetiledi:- kommýnaldyq qyzmetter úshin aqshalaı ótemaqy, ol aı saıyn páterdiń aýdanyna baılanysty 5-ten 8 AEK-ke deıingi mólsherde bólinedi;- dári-dármekpen qamtamasyz etý;- merzimdi basylymdarǵa jazylýǵa, monshalarǵa, shashtarazdarǵa jylyna bir ret barýǵa (jyl basynda jeke shottaryna 6,5 AEK aýdarylady) áleýmettik kómek;- sanatorııalyq-kýrorttyq emdeý qyzmetteri;- qalalyq jolaýshylar kóliginde jeńildikpen jol júrý;- tis protezdeý qyzmetteri.