Qazaqstan tarıhynda alǵash ret halyqtyń ómir súrý uzaqtyǵynyń deńgeıi 2022 jyldyń qorytyndysy boıynsha 74,44 jasqa jetti. Bul týraly QR Densaýlyq saqtaý mınıstrliginiń baspasóz qyzmeti habarlady, dep jazady Egemen.kz.
О́mir súrý uzaqtyǵynyń ósýine ekonomıkanyń damýy, áleýmettik ál-aýqat, onyń ishinde densaýlyq saqtaýdyń damýy, sondaı-aq halyqtyń salamatty ómir saltyn ustanýy sııaqty faktorlar áser etedi.
El basshylyǵy qoldaýynyń arqasynda respýblıkada joǵary tehnologııalyq medısınalyq qyzmetterdi, aýyl medısınasyn, densaýlyq saqtaý obektileriniń ınfraqurylymyn damytý jónindegi jumys kúsheıtildi, densaýlyq saqtaý júıesiniń profılaktıkalyq baǵyttylyǵy qamtamasyz etildi, aýyl turǵyndary úshin profılaktıkalyq tekserýler engizildi, balalardy profılaktıkalyq tekserý paketteri keńeıtildi, onkologııalyq jáne gematologııalyq aýrýlarǵa kúdik týyndaǵan kezde tekserýler jedeldetildi.
Jedel medısınalyq kómek qyzmeti 1 367 birlik avtokólik satyp alý jolymen kúsheıtildi, bul el halqyna shuǵyl jáne jedel medısınalyq kómek kórsetý kezinde «altyn saǵat» qaǵıdatynyń saqtalýyn qamtamasyz etýge múmkindik berdi.
Kólik medısınasy jandandy, 77 myńnan astam turǵynǵa medısınalyq kómek kórsetken «Járdem» jáne «Salamatty Qazaqstan» 2 medısınalyq poıyzynyń jumysy qaıta jandandy.
Shalǵaıdaǵy aýyldyq eldi mekenderde qolda bar 49 jyljymaly medısınalyq keshenge medısınalyq kómektiń qoljetimdiligin arttyrý maqsatynda qosymsha 100 zamanaýı JMK satyp alyndy, 2022 jyly JMK qyzmetterimen 3307 eldi meken qamtyldy, aýyl turǵyndaryna 1 820 833 emdeý-dıagnostıkalyq qyzmet kórsetildi, 149 326 naýqas anyqtaldy.
Tóleýshilerden mindetti áleýmettik medısınalyq saqtandyrý aktıvteriniń 900 mlrd teńgesi halyqqa medısınalyq kómek kórsetýge jáne keńeıtýge baǵyttalǵan.
Joǵary tehnologııalyq medısınalyq qyzmetterdi qarjylandyrý kólemi 3 ese, medısınalyq ońaltý jáne konsýltasııalyq-dıagnostıkalyq kómek 11 ese, onyń ishinde qymbat kórsetiletin qyzmetter 5 ese ulǵaıdy.
Joǵaryda kórsetilgen sharalardy iske asyrý nátıjesinde elimizde densaýlyq saqtaýdyń negizgi medısınalyq-demografııalyq kórsetkishteriniń oń serpini baıqalady.
Jalpy, 2022 jyldyń qorytyndysy boıynsha Qazaqstanda jalpy ólim-jitim kórsetkishi 29% - ǵa tómendep, 1000 turǵynǵa shaqqanda 6,77 qurady. Qan aınalymy júıesi aýrýlarynan bolatyn ólim - jitim 32,7% - ǵa, qaterli isikten-7,9% - ǵa, jaraqattan-5,3% - ǵa tómendedi. Ana ólimi 2021 jylmen salystyrǵanda 3 esege tómendep, 100 myń tiri týylǵandarǵa 17,0 qurady, sábıler ólimi 11,1% - ǵa tómendep, 1000 tiri týylǵandarǵa 7,68 qurady.
Halyq densaýlyǵy kórsetkishterindegi oń ózgerister, sonyń saldarynan ómir súrý uzaqtyǵynyń ósýine áser etti jáne tarıhı mańyzǵa – 74,44 jylǵa qol jetkizýdiń kepili boldy, ol pandemııaǵa deıingi О́JS deńgeıinen 1,26 jylǵa asyp tústi, al 2019 jyly ol – 73,18 jasty qurady.
О́mir súrý uzaqtyǵyn arttyrý – el damýynyń jarııalanǵan Ulttyq maqsattarynyń biri ekenin atap ótken jón.