Búgin Barys Arena Pool olımpıadalyq basseıniniń bazasynda júzýden 3 jas toptary arasynda Astana qalasynyń ashyq chempıonatynyń ashylý saltanaty ótti, dep habarlaıdy Egemen.kz elorda ákimdiginiń resmı saıtyna silteme jasap.
Sporttyq is-sharanyń ashylý saltanatyna Astana qalasynyń Dene shynyqtyrý jáne sport basqarmasynyń basshysy Samat Jylqybaev, qalalyq sporttyq buqaralyq is-sharalardy ótkizý dıreksııasynyń basshysy Baqtııar Masanov jáne Astana qalasy ákimdiginiń №4 Balalar men jasóspirimder mamandandyrylǵan olımpıadalyq rezerv sport mektebiniń basshysy Nurbol Jarqynbekov qatysty.
Jarystyń ashylýy rásimin saltanatty túrde qalalyq sport basqarmasynyń basshysy Samat Jylqybaev ashyp, jas sportshylarǵa joǵary jetistikterge jetýine sáttilik tilep, jyly lebizin bildirdi.
«Birinshilik qalamyzda jyl saıyn dástúrli túrde ótkizilip turady. Dodaǵa qatysýǵa Qazaqstannyń ár óńirinen 400-den asa sportshy qatysýda. О́zderińizdi búgingi jarysta kórgenime qýanyshtymyn. Eń myqtylar búgin jeńiske jetsin», dedi qalalyq sport basqarmasynyń basshysy Samat Jylqybaev.
Dástúrli túrde ótetin júzýden ashyq birinshilikke elimizdiń 26 oblysymen qatar respýblıkalyq mańyzy bar qalarynan 400-den asa qatysýshylar bas qosty.
Jeńimpazdar men júldegerler tórt kúnge jalǵasatyn birinshilik barysynda anyqtalady. Iаǵnı olar, ár qashyqtyqtaǵy úzdik nátıjeler boıynsha jeke anyqtalsa, chempıonattyń úzdik sportshylary ár júzý stılinde úzdik nátıje boıynsha FINA upaılyq kestesi boıynsha kýboktarmen marapattalady.
Jarystyń alǵashqy kúni estafetalyq jarys – batterflıaı, erkin júzýden 100, 200, 800 metr jáne brass, arqamen júzý 50 metr ara qashyqtyqta boıynsha órbıdi. Al jarystyń ekinshi, úshinshi jáne tórtinshi kúnderi sporttyq báseke kerisinshe tásilmen júrgizildi. Iаǵnı 50 metr ara qashyqtyqta erkin júzý, batterflıaı, keshendi júzý, al arqamen júzý jáne brass 100 metr boıynsha úzdikterdi anyqtaıdy.
Sport salasy mamandarynyń sózinshe, ashyq birinshilikte úzdik kóringen sportshylar aldaǵy álemdik, respýblıkalyq deńgeıli jarystarda el namysyn qorǵaıdy.
Aıta keteıik, jarys Barys Arena Pool olımpıadalyq basseıniniń bazasynda 29 sáýirge deıin jalǵasady.