Astanada ótip jatqan «Qazaq Forum» ınternet forýmynda Aqparat jáne qoǵamdyq damý mınıstri Darhan Qydyráli sóz sóıledi, dep habarlaıdy Egemen.kz.
«Memlekettik tildiń BAQ-taǵy úlesi arta tústi. Mysaly, ótken jyly memlekettik BAQ-taǵy qazaq tilindegi kontenttiń úlesi 83 paıyzdy qurady. Atap aıtqanda, telearnalardaǵy qazaq tiliniń úlesi 77 paıyzǵa jetse, baspa BAQ-taǵy - 85 paıyz, ınternet-resýrstarda - 87 paıyzǵa jetti», dedi mınıstr.
Mınıstrdiń aıtýynsha, qazirgi ýaqytta medıa naryqta qazaq tildi BAQ-qa jarnama berýshiler qatary da artyp keledi. Qazaqstandyq resýrstarda PR maqalalardyń ornalastyrýdyń ósimi baıqalady. Osy rette, ınternet-jarnamany retteý, áleýmettik jelilerdegi ınterfeıs pen jarnamalyq algorıtmderdi, monetızasııalaý júıesin qazaq tilinde jasaý óte mańyzdy.
«Atalǵan másele mınıstrlik ázirlep jatqan «Internet-jarnama jáne onlaın-platformalar týraly» zań jobasynda qarastyrylýda. Jalpy, bul zań jobasy birinshi kezekte azamattardyń quqyǵyn qorǵaýǵa, onlaın-ortany qaýipsiz jáne ashyq túrde damytýǵa baǵyttalǵan. О́zderińizge belgili, búginde BAQ salasyndaǵy zańnamany jetildirý jumystary júrip jatyr», dedi mınıstr.