“MEN SENI KÚTEMIN, JANYM!”

Shynaıy mahabbat shekara men shekteýlerge qaramaıdy. Shýaqty  kóktem aıynyń sońynda Zastan­sıonnyı kentindegi ES – 166/23 mekemesinde tergeý tutqynynda otyr­ǵan Kenjebek pen Aınurdyń neke qııý rásimi bolyp ótti. Osy­naý qarapaıymdaý ǵana saltanat­tyń qýanyshy men nalasy jas ju­baılar men ata-analardyń, tilektes jamaǵattyń júregin shymyrlata terbetkeni anyq. Janardan úzilip túsken jasty, úmit bolyp jar­qy­raǵan otty kórýdiń ózi ońaı emes edi. Kókshetaý qalalyq AHAJ bó­liminiń bastyǵy Janat Táshenova jas jubaılarǵa neke kýálikterin tap­syryp, qıynshylyǵy men qy­zyǵy qatar turar ómirde bir-birine súıeý bolyp, juptasyp tirshilik keshýlerine, dińgegi berik shańyraq qurýlaryna tilektestigin bildirdi. Sondaı-aq qýanysh ıelerin meke­meniń aǵa zań keńesshisi, ádilet leıtenanty Aıgúl Saıymbetova quttyqtady. ES – 166/23 mekemesiniń bas­ty­ǵy Janat Muqashev jas ju­baı­larǵa qutty bolsyn aıtyp, qos jú­rektiń jarasym tabýy adam ómi­rin­degi eń úlken baqyt ekendigin eske saldy. “Táýelsiz memleketimizdiń zań­dary men demokratııalyq qaǵı­dalary azamattardyń teń quqyq­ty­ǵyna kepildik berip, baqytty ómir súrýine qamqorlyq jasaıdy,–dedi ol. – Mundaı ótinishter bizde ara­kidik bolyp turady. Ony qoldaı­­­myz. О́ıtkeni, jaza basqan jan­dar­dyń kókiregindegi úmit sáýlesi sónbeýi tıis”. Mahabbat – qudiret! Qudiret qol­dap júrsin senderdi, jas ju­baı­lar! “Adasqannyń aıyby joq, qazyǵyn qaıta aınalyp tapqan soń” deıdi halqymyz. Tek boıla­ryń­da senderge jazǵan otbasylyq ómir­diń aýyr salmaǵyn kóterýge je­terlik jiger men tózim bolǵaı. Toı rásiminiń erkindikte ótpegeni ókinishti, árıne. Biraq, jastar jana­ryndaǵy jalyn sol erkindikke umtylysty baıqatyp turǵanyna qýandyq. Baqbergen AMALBEK. Aqmola oblysy.