Qazaq halqy úshin aıtys óneriniń orny árqashan da erekshe bolǵan. Memleket qarjysynan ara-tura uıymdastyrylatyn aıtystar bolmasa, elimiz táýelsizdik alǵaly beri aıtys óneri memleketten mardymdy qoldaý kórdi dep aıtý qıyn. Osy oraıda Amanat partııasy fraksııasynyń múshesi Rınat Zaıytov Premer-mınıstrdiń orynbasary Altaı Kólginovke, Almaty qalasynyń ákimi Erbolat Dosaevqa aıtys ónerin qoldaý jóninde depýtattyq salaý joldady, dep habarlaıdy Egemen.kz.
«Ýaqyttyń synaqtaryna qaramastan, aıtys óneri búgingi kúnge deıin qazaq halqynyń mahabbaty men demeýiniń arqasynda, sonymen qatar aıtys janashyry Júrsin Ermannyń 40 jyldyq beınetti, tabandy eńbeginiń arqasynda joǵalyp ketpeı jetti. Tipti 2022 jyldyń 1 tamyzynda Aıtys aqyndary men jyrshy-termeshiler odaǵy qurylǵan edi. Qazirgi tańda odaq músheliginde 250-ge tarta aıtysker men jyrshy-termeshi bar. Odaq qurylǵannan beri 110 halyqaralyq jáne respýblıkalyq, 100-den astam oblystyq pen aýdandyq aıtys ótti. Sondaı-aq jeke kásipkerlerdiń kómegimen 5 ret respýblıkalyq jyrshy-termeshiler baıqaýy uıymdastyrylǵan bolatyn. Alaıda mundaı zor is-sharalardy júzege asyryp otyrǵan odaqtyń áli kúnge deıin bir turaqty ǵımaratynyń joqtyǵy ókinishti-aq. Memleket tarapynan aıtysqa bólinetin qarjy da odaqqa belgisiz sebeptermen tolyq jetpeıdi», dedi Májilis depýtaty.
Osy oraıda Rınat Zaıytov aıtys ónerine jańa dem berý maqsatynda kelesi usynys bildirdi:
Qazaqstannyń aıtys-aqyndary men jyrshy-termeshiler odaǵyna Almaty qalasynan turaqty ǵımarat qarastyrý; Mádenıet mınıstrligi tarapynan aıtys ónerin júıeli qarjylandyryp otyrý.
Arýjan NAǴAShYBAI,
L.N.Gýmılev atyndaǵy EUÝ stýdenti