Saýd Arabııasynyń fýtbol birinshiliginde «Ál-Nasr» klýby 2-0 esebimen «Ál-Taı» komandasyn jeńdi. «Ál-Nasr» Krıshtıaný Ronaldý men brazılııalyq Talıskı soqqan goldardyń arqasynda alǵa jyljydy, dep habarlaıdy Egemen.kz.
«Ál-Nasr» – «Ál-Taı» jekpe-jegi Saýd Arabııasy chempıonatynyń 27-týry aıasynda ótti, onda Ronaldý óz komandasynyń birinshi golyn penaltımen soqty.
Bul dop Portýgalııa juldyzynyń 13-shi aktıvi boldy. Eske sala ketsek, tanymal fýtbolshy Saýd Arabııasynyń Sýperlıga matchtaryna «Ál-Nasr» jeıdesin kıip shyqty. Osy oraıda Krıshtıaný chempıonattyń úzdik bombardırleri tiziminde besinshi orynǵa jaıǵasqanyn da aıta ketý kerek.
Kezekti jeńisinen keıin «Ál-Nasr» 27 matchta 60 upaı jınap, týrnır kestesinde ekinshi oryn aldy. Ázirge Ronaldý klýbynan úsh upaımen alda turǵan «Ál-Ittıhad» kósh bastap tur.