Búgin Úkimet otyrysynda Oqý-aǵartý mınıstri Ǵanı Beısembaev mınıstrliktiń mańyzdy mindetteriniń biri – bıylǵy oqý jylyn tabysty aıaqtaý jáne balalardyń jazǵy demalysy men saýyqtyrýyn sapaly uıymdastyrý ári qaýipsizdigin tolyq qamtamasyz etý ekenin aıtty, dep habarlaıdy Egemen.kz.
Bıylǵy jańalyq - elimizde oqý jyly (34 aptadan) 36 aptaǵa deıin uzartylǵany. Osyǵan saı oqý jyly bıyl 31 mamyrda aıaqtalady.
Bul sheshimniń basty negizderi retinde mınıstr mynalardy atady:
balalardyń otbasynda kóbirek ýaqyt ótkizýine qatysty ata-analar ótinishteriniń eskerilýine baılanysty 5 kúndik oqý aptasyna kóshý; oqýshylarǵa júktemeni azaıtý jónindegi sarapshylar usynystarynyń qabyldanýy; oqý aptasynyń uzaqtyǵyn Ekonomıkalyq yntymaqtastyq jáne damý uıymynyń standarttaryna sáıkestendirý.«Eger álemdik tájirıbege nazar aýdarsaq, OESR elderinde oqý jyly - 40 apta. Osyǵan oraı álem oqýshylary jazǵy kanıkýlda 77 kún ǵana demalsa, elimizdiń oqýshylary úshin 13 apta nemese 90 kún demalys belgilengen», dedi mınıstr.