Vena qujaty – mańyzdy kelisim

Is-sharaǵa Ázerbaıjan, Belarýs, Germanııa, Ita­lııa, Qyrǵyzstan, Mońǵo­lııa, Nıder­land, Tájikstan, Túrik­menstan, Fransııa verıfı­kasııa­lyq orta­lyqtarynyń, sondaı-aq EQYU jáne AО́SShK ókilderi qatysty.

Semınardy ashqan Qorǵanys mınıstrligi Qarý-jaraqty baqylaý jáne ınspeksııalaýdy qamtamasyz etý ortalyǵynyń bastyǵy, polkovnık Qanat Áý­bákirov qatysýshylarǵa alǵy­syn bildirip, EQYU-nyń As­tanadaǵy baǵdarlamalar keńse­sine uzaq ýaqyt jáne je­mis­ti yntymaqtastyǵy men qol­daýy úshin alǵysyn bildirdi.

– Vena qujaty – EQYU qyzmetiniń ádettegi qarý túr­leriniń deńgeıin baqylaý jáne senim men qaýipsizdik sharalaryn nyǵaıtý jónindegi elder arasyndaǵy qarym-qatynas­tarda yntymaqtastyqqa, ashyq­tyqqa jáne verıfıkasııa reji­min saqtaýǵa negizdelgen pár­mendi quraldarynyń biri, – de­gen ol bul kelisimniń mańyzdy ekenin atap ótti. Qor­ǵa­nys mınıstrliginiń ókili áriptesterin elimizdiń qarý-jaraqty baqylaý jáne jappaı qyryp-joıý qarýyn taratpaý salasyndaǵy halyqaralyq ózara is-qımyldyń árqashan belsendi qatysýshysy bolyp qala beretinin jetkizdi.

Astana qalasyndaǵy EQYU baǵdarlamalar keńsesi bas­shysynyń orynbasary Iýrıı Fenopetov pen AО́SShK Bas hat­shysynyń orynbasary Chı Fan hanym sóz alyp, Qazaq­stan, Belarýs, Italııa, GFR, Fransııa, Benılıýks elderiniń qarý-jaraqty baqylaý sala­syn­daǵy úkimetaralyq uıy­my, Ortalyq Azııadaǵy qaýip­sizdikti nyǵaıtýdyń EQYU baǵdarlamasy keńsesiniń tájirı­be­leri tanystyryldy.

Is-sharanyń tájirıbelik bóligi Aqmola óńirlik garnızo­nynyń 68665 áskerı bóliminde ótip, is-sharaǵa qatysýshylar Vena qujaty sheńberinde baǵalaý boıynsha oqý-jattyǵýdy tamashalap kórdi.