Abaı aýdanynda oqý jylyn 100 208 oqýshy aıaqtaıdy. Onyń ishinde 9-11 synyp túlekteri – 13 977. JOO-ǵa túsý úshin 4 034 túlek UBT tapsyrady. 2823 oqýshy 9-synyptan keıin kolledjderge túsedi, dep habarlaıdy Egemen.kz.
«Ǵylym jáne joǵary bilim mınıstrliginiń buıryǵyna sáıkes, menshik nysanyna jáne vedomstvolyq baǵynystylyǵyna qaramastan orta bilim berý uıymdarynda oqý sabaqtary 31 mamyrda aıaqtalady. Mektep bitirýshiler úshin sońǵy qońyraý 1 maýsymda ótedi», dedi oblystyq bilim basqarmasynyń basshysy Nurjan Ahmetqalıev.
Sonymen qatar, basqarma basshysy 22 maýsymda oblystyń barlyq mektepterinde sertıfıkattar beriletinin basa aıtty.
«О́tken jyldardaǵydaı mektep bitirý keshterine aqsha jınaýǵa, onyń ishinde lımýzınderdi tartýǵa jáne oıyn-saýyq oryndaryn jalǵa alýǵa qatań tyıym salynady», dep eske aldy Nurjan Ahmetqalıev.