Memleket basshysy Nursultan Nazarbaev Malaysia Airlines avıakompanııasy MH17 ushaǵynyń apatqa ushyraýyna baılanysty Malaızııa Premer-mınıstri Nadjıb Týn Razakqa kóńil aıtý jedelhatyn joldady, dep habarlady Qazaqstan Respýblıkasy Prezıdentiniń baspasóz qyzmeti.
Jedelhatta Malaysia Airlines kompanııasynyń «Amsterdam – Kýala-Lýmpýr» baǵyty boıynsha ushqan ushaǵynyń Ýkraına aýmaǵynda apatqa ushyraýy saldarynan kóp adamnyń qaza bolǵany týraly qaıǵyly habardy Memleket basshysynyń zor kúızelispen qabyldaǵany atap ótilgen.
Nursultan Nazarbaev Qazaqstan halqynyń jáne jeke óz atynan Nadjıb Týn Razakqa, sondaı-aq, qaza tapqandardyń týǵan-týystary men jaqyndaryna shyn kóńilden kóńil aıtty.