Elordanyń qorshaǵan ortany qorǵaý jáne tabıǵatty paıdalaný basqarmasy «Jasyl el» jastar eńbek jasaqtarynyń respýblıkalyq shtaby» jeke mekemesimen, «Astana Eko polıgony» JShS jáne «Clean City NC» JShS birlesip aýqymdy tazalyq uıymdastyrdy.
Dúnıejúzilik qorshaǵan ortany qorǵaý kúnine arnalǵan is-sharaǵa 500-ge jýyq «Jasyl el» eriktileri qatysty. Olardy polıgon qyzmetkerleri úılestirdi, sonymen qatar qatysýshylarǵa barlyq qajetti qural berildi.
«Bul aksııa 5 maýsym – Dúnıejúzilik qorshaǵan ortany qorǵaý kúnine arnalǵan. Bul – qoǵam nazaryn ekologııa máselesine aýdarýdyń erekshe sebebi. Ár adamnyń kómeginsiz alǵa jyljı almaımyz, sondyqtan qorshaǵan ortaǵa degen qamqorlyqty jan-jaqty nasıhattaý qajet», dedi ekolog Qalamqas Qulymbaeva.
Eriktiler Nurdáýlet pen Baqdáýlet Rysqulbekovterdiń aıtýynsha, «Jasyl el» jastar jobasyna 100-ge jýyq mekteptiń oqýshylary jumyldyryldy. Mamyr aıynyń basynan bastap qalany kórkeıtý boıynsha arnaıy jumys istegen oqýshylar tıisti jalaqy alady.