Jyl basynan beri júrgizýshilerdi daıarlaý mektepteri 441,3 mln teńgege qyzmet kórsetken. Bul 2022 jylmen salystyrǵanda 14,3%-ǵa artyq, dep habarlaıdy Egemen.kz Ulttyq statıstıka bıýrosyna silteme jasap.
Bıýro usynǵan derekterge sáıkes, bıýdjet esebinen - 27,3 mln teńgege, kásiporyndar esebinen – 44,9 mln teńgege, halyq qarajaty esebinen – 369 mln teńgege qyzmet kórsetilgen.
«Qyzmetterdiń eń kóp kólemin Batys Qazaqstan oblysynyń avtomektepteri kórsetken – 64,5 mln teńgege, odan keıin Qaraǵandy jáne Aqtóbe oblystaryn ataýǵa bolady, sáıkesinshe 55,2 mln jáne 46,8 mln teńgeden. Kólik júrgizýshilerin oqytý boıynsha qyzmettiń eń az kólemi Shymkent qalasynda – 3,4 mln teńge», delingen vedomstvo habarlamasynda.