Búgin Memleket basshysynyń jumys kestesinde birqatar kezdesý josparlanǵan, dep habarlaıdy Egemen.kz Aqordanyń baspasóz qyzmetine silteme jasap.
Búgin Qasym-Jomart Toqaev Astana halyqaralyq forýmyna qatysý úshin arnaıy kelgen EQYU Bas hatshysy Helga Shmıdpen kezdesý ótkizedi. Kezdesýde EQYU men Qazaqstannyń seriktestigin nyǵaıtý perspektıvalary talqylanady.
Sondaı-aq Memleket basshysy IýNESKO-nyń Bas dırektory Odre Azýleni qabyldaıdy. Kezdesý barysynda bilim, ǵylym, mádenıet salalaryndaǵy yntymaqtastyq máseleleri qarastyrylady. Byltyr Qazaqstannyń IýNESKO-ǵa múshe bolǵanyna 30 jyl toldy.
Josparǵa sáıkes Qatar Ámiri sheıh Támım ben Hamad Ál Tánı bastaǵan delegasııamen kezdesedi. Taraptar saýda-ekonomıka, ınvestısııa salalaryndaǵy strategııalyq seriktestikti odan ári keńeıtý máselelerin talqylaıdy.