Memleket basshysy Qasym-Jomart Toqaev Astanada ótip jatqan Halyqaralyq eriktiler forýmynyń ekinshi kúninde Volonterlikti damytýdyń jańa Jol kartasyn ázirleýdi usyndy, dep habarlaıdy Egemen.kz.
«Birinshiden, strategııalyq ustanymdardy aıqyndaıtyn jańa Jol kartasy kerek. Osyndaı qujatty ázirleý kerek. Bul qujat volonterlik qyzmetke qýatty serpin berip, onyń aldaǵy jyldardaǵy baǵytyn aıqyndaýǵa tıis.
Ekinshiden, volonterlik pen qaıyrymdylyq jumystyń eseptilik júıesin engizý kerek. Bul bastama volonterlik qyzmetti zańnama deńgeıinde yntalandyrýdyń tıimdi tásilderin engizýge kómektesedi», dedi Memleket basshysy Beıbitshilik jáne kelisim saraıynda ótip jatqan is-sharada.