«Qazgıdromet» RMK 29 maýsymda kún raıynyń buzylýyna baılanysty birneshe óńirde eskertý jarııalady, dep habarlaıdy Egemen.kz..
Túnde Batys Qazaqstan oblysynyń shyǵysynda naızaǵaı kútiledi. О́ńirdiń ońtústiginde joǵary órt qaýpi saqtalady.
Jetisý oblysynyń ońtústik bóliginde órt tutanýdyń joǵary qaýpi bar.
Atyraý oblysynyń shyǵysy men ońtústiginde tótenshe órt qaýpi saqtalady.
Aqmola oblysynyń soltústigi men shyǵysynda naızaǵaı oınap, 15-20 m/s ekpinde jel turady.
Túrkistan oblysynyń taý asýlarynda soltústik-shyǵystan jel soǵady, kúshi 15-20 m/s quraıdy. О́ńirdiń basym bóliginde órt tutanýdyń joǵary qaýpi bar.
Shymkent qalasynda tótenshe órt qaýpi saqtalady.
Kúndiz Soltústik Qazaqstan oblysynyń basym bóliginde jańbyr kútiledi. Kúndiz óńirdiń soltústigi men shyǵysynda naızaǵaı, burshaq, daýyl boljanady. Batystan jel soǵady, túnde oblystyń shyǵysynda ekpini 15-20 m/s quraıdy. Soltústikte ekpini 23 m/s jetýi yqtımal.
Aqtóbe oblysynyń ońtústigi men ońtústik-shyǵysynda tótenshe órt qaýpi saqtalady.
Abaı oblysynyń soltústigi men batysynda naızaǵaı oınap, kúndiz óńirdiń soltústiginde, batysy men ońtústiginde burshaq, daýyl kútiledi. Jeldiń kúshi kúndiz 25 m/s artýy yqtımal.
Pavlodar oblysynyń shyǵysy men soltústiginde naızaǵaı oınap, batystan jel soǵady. О́ńirdiń soltústiginde ekpini 15-20 m/s quraıdy.
Kúndiz Shyǵys Qazaqstan oblysynyń soltústigi men shyǵysynda qatty jańbyr jaýady. Oblystyń soltústiginde, shyǵysynda, ońtústiginde naızaǵaı, burshaq, daýyl boljanady. Kúndiz jeldiń ekpini 25 m/s quraıdy.
Kúndiz Mańǵystaý oblysynyń ońtústiginde 38 gradýs qatty ystyq kútiledi. Oblystyń basym bóliginde tótenshe órt qaýpi saqtalady.
Kúndiz Kostanaı oblysynyń soltústigi men shyǵysynda naızaǵaı oınap, batystan jel soǵady. О́ńirdiń soltústigi men shyǵysynda ekpini 15-20 m/s quraıdy.
Túnde Qaraǵandy oblysynyń shyǵysynda – naızaǵaı, soltústiginde tuman kútiledi. Batystan, soltústik-batystan jel soǵady, kúndiz oblystyń soltústiginde ekpini 18 m/s quraıdy. О́ńirdiń ońtústiginde órt tutaný qaýpi joǵary.
Kúndiz Qyzylorda oblysynyń batysynda naızaǵaı oınap, soltústik-shyǵystan jel soǵady. О́ńirdiń ortalyǵynda kúshi 15-20 m/s quraıdy.
Ulytaý oblysynyń ońtústiginde órt tutanýdyń tótenshe qaýpi saqtalady.