BABA MURASY – BÚGINGI URPAQQA

Táýelsizdik saraıynyń “Qol­dan­baly óner, etnografııa, arheo­logııa jáne antropologııa” gale­reıa­synda “Baba murasy – búgingi ur­paqqa” atty kórme ashyldy. Atalmysh kórmege qazaqtyń ǵu­lama ǵalymy Álkeı Marǵulannyń kıgen kıimderi men ustaǵan zat­ta­ry, ǵylymı eńbekteri men qol­jaz­balary, ózi zerttegen qulpytas pen tas músinderiniń kóshirmeleri jáne arheologııalyq zertteýleri bary­syn­da tabylǵan ejelgi qumyra­lar­dyń túrleri qoıylǵan. Mundaı qun­dy jádigerler men máni tereń dúnıelerdiń kórmege qoıylýyna Astana qalasyndaǵy Á.Marǵulan atyndaǵy №40 orta mektebiniń mu­rajaıy kóp eńbek sińirgen eken. “Bul kórmeni uıymdastyrýdaǵy basty maqsatymyzdyń biri – bú­gingi óskeleń urpaqty otansú­ı­gish­tikke tárbıeleý, olardyń boıyn­da­ǵy ulttyq qundylyqtardy qalyp­tas­tyrý. Oqýshylardyń ult tarı­hyn­daǵy asa kórnekti tulǵaǵa degen oı-óristerin keńeıtý, kórnekti ǵa­lymnyń eńbek jolymen tanystyrý arqyly balalardy jigerlendirý” – deıdi “Qoldanbaly óner, etno­gra­fııa, arheologııa jáne antropo­logııa” galereıasynyń meńgerýshisi Tileýkesh Jaýbasova. “Akademık Á.H.Marǵulan – jan-jaqty tereń bilim jınaqtaǵan, qa­zaq halqynyń rýhanı mádenı mu­rasyn zertteýshi” – dep Imanǵalı Tasmaǵambetov aıtqandaı, qazaq halqynyń kemeldenýine Álkeı Mar­ǵulannyń qosqan úlesi mol. Ǵy­lym álemine óziniń sińirgen adal eń­beginiń arqasynda Á.Marǵulan qazaqty ózge halyqqa tanytty. Bir aıta ketetin nárse, bul kór­meniń ekinshi bóligi mektep oqý­shylarynyń shyǵarmashy­ly­ǵy­na arnalǵan. Júz jyldyq tarıhy bar Jambyl Jabaev atyndaǵy №4 mektep gımnazııasyndaǵy “Halyq­tyq pedagogıka” atty mektep mu­rajaıy tarıhı-etnografııalyq já­digerlerdi, Ǵalı Ormanov atyndaǵy №7 mektep gımnazııasyndaǵy “Ba­laýsa” klýbynyń qolóner sheber­leri óz jumystaryn kórermender nazaryna usyndy. Sonymen qatar, Qazaq ulttyq óner ýnıversıtetiniń jas jetkinshekteri qazaqtyń ulttyq mýzyka aspaptarynda óner kórse­tip, kórmeniń ishin erekshe bir merekelik kóńil-kúıge bóledi. Araı ÚIRENIShBEKQYZY.