Belarýste ótip jatqan II TMD elderi oıyndarynda Qazaqstan quramasynyń qorjynyna taǵy bir altyn medal tústi.
Keshe karateshiler saıysynda Lııa Qoshqarbaeva asqan sheberlik tanytyp, kata jattyǵýynda aldyna jan salmady. Kúmis medaldy Anna Sherbına (Reseı) ıelense, Zahra Gýrbanzade (Ázerbaıjan) men Natalıa Fılıýkova (Reseı) qolaǵa qol sozdy. Al kýmıteden 75 kılo salmaqta óner kórsetken Ábilmansur Batyrǵalı kúmispen kúpteldi. Esterińizge sala keteıik, Belarýste alǵash ret Qazaq eliniń ánuranyn Maksım Skazobsov shyrqatty. Batterflıaı ádisimen 100 metrlik qashyqtyqty ol 53,61 sekýndta júzip ótti. Bas júldeniń taǵy ekeýin samboshylar ıelendi. Atap aıtsaq, 58 kılo salmaqta Jasulan Narımanov qarsylas shaq keltirmedi. Fınalda ol qyrǵyzstandyq Qaırat Júsýldy jeńdi. 71 kılo salmaq dárejesinde Arnur Qýantaıǵa teń keler eshkim tabylmady. Sheshýshi tusta qandasymyz reseılik Ivan Agafonovtan aılasyn asyrdy.
Qazirgi kezde atalǵan jarystyń jalpy komandalyq esebinde Qazaqstan quramasy besinshi orynda keledi. Qorjynymyzda 38 (4+13+21) júlde bar. Bizdiń aldymyzda – Reseı (124+76+42), Belarýs (34+60+99), О́zbekstan (24+16+45) jáne Ázerbaıjannyń (8+14+30) sportshylary.