Mádenıet jáne sport mınıstrligi mádenıet, óner jáne týrızm baǵyttary boıynsha joǵary jáne joǵary oqý ornynan keıingi bilim berý uıymdaryna Prezıdenttik stıpendııa bólý týraly buıryq jarııalady, dep habarlaıdy Egemen.kz.
Bıylǵy jyly Mádenıet jáne sport mınıstrligine qarasty oqý oryndaryna bólingen 25 Prezıdenttik stıpendııanyń 24-i bakalavrlarǵa, 1-i magıstranttarǵa arnalǵan.
Joǵary bilim beretin oqý oryndarynyń ishinde Prezıdenttik stıpendııa:
Qurmanǵazy atyndaǵy Qazaq ulttyq konservatorııasyna – 4; Qazaq ulttyq óner ýnıversıtetine – 12; T. Júrgenov atyndaǵy Qazaq ulttyq óner akademııasyna – 4; Halyqaralyq týrızm jáne meımandostyq ýnıversıtetine – 4.Al magıstratýraǵa arnalǵan Prezıdenttik stıpendııa Qazaq ulttyq óner ýnıversıtetiniń magıstratýrasyna berilgen.