BUL – MEMLEKET BASShYSYNYŃ KONSTITÝSIIаMEN BEKIGEN QUQYǴY

Keshe Parlament Májilisiniń kezekten tys plenarlyq otyrysy ótip, onda bir ǵana másele qaraldy. Májilis Tóraǵasy Oral Muhamedjanov el Prezıdenti Nursultan Nazarbaevtyń Qa­zaqstan Respýblıkasynyń azamattaryna, Qazaqstan Respýblıkasynyń Parlamentine, “Nur Otan” halyqtyq-demokratııalyq partııasynyń Saıası bıýrosyna arnaýynyń mazmunymen tanystyrdy. Anar TО́LEÝHANQYZY. Mátindi tolyq oqyp shyqqan Tóraǵa bul jerde jaryssózdiń qajeti joq, sondyqtan Elbasynyń arnaýyn esepke alý jóninde qaý­ly­ny qabyldaǵanymyz jón dep, árip­testerin máseleni daýysqa salýǵa shaqyrdy. Otyrysqa qatysyp otyr­ǵan 85 depýtattyń barlyǵy da jaqtap daýys berip, Elbasynyń ustanymyn qurmetteıtindikterin tanytty. Májilisten shyqqan depýtat­tar­dy sózge tartyp, olardyń pikir­le­rin suraǵan edik. Gúlmıra Isimbaeva: Elbasynyń sheshimin biz durys túsinýimiz kerek. Parlament Máji­li­siniń depýtattary ol kisiniń she­shi­min qoldap, maquldap otyr. Qa­zaq­ta maqal bar ǵoı “Ulyq bolsań, kishik bol” degen. Elbasy osy úlgini bárimizge kórsetti. Eger eldiń táýel­sizdigine, qaýipsizdigine bir qaýip tónse ǵana elimizdiń turaq­tylyǵyn nyǵaıtý úshin, syrttan bir qaýip-qater kelip jatqan jaǵ­daıda men qosymsha quziret su­raı­myn, sony sizderdiń qoldaıtyn­dyqtaryńyzǵa senemin dedi. Jalpy, táýelsiz memleket qurý, ony álemge tanytý, halqyn jetis­tik­terge jetkizý ekiniń biriniń mań­daıyna jazyla bermeıtin baqyt. Nursultan Ábishulynyń el ta­rı­hy­na enetin tulǵa ekenine qyldaı kú­mán joq. Sondyqtan zań qabyl­dansa da, qabyldanbasa da Elbasy osy tuǵyrynda. Búgingi arnaý onyń halyq tanyǵan, el tanyǵan bıik tulǵa ekenin taǵy bir kórsetti. Otbasy týraly da ol kisi zańnyń aldynda barlyq azamattar birdeı, kim de kim zańnan tys, zańǵa qaıshy áreket etse ol soǵan jaýap berýi tıis dedi. Osy oı arqyly zań oryndalǵanda kimde-kim ke­leshegine senimmen qaraı ala­tyn­dyǵyn jetkizdi. Al zańǵa qol qoıý nemese qoımaý máselesine keletin bolsaq, bul – Prezıdenttiń Kons­tıtýsııa­men bekitilgen quqy­ǵy. Sondyqtan biz bul sheshimdi qabyldaımyz. Osy joly Elbasy jeke basynyń qa­sıetiniń qandaı joǵary ekenin taǵy da kópshilikke tanytty. Maıra Aısına: Prezıdentti tolyq qoldaımyz. Elbasy da adam balasy, biraq kóp­tiń biri emes, sondyqtan bıik pa­ra­sat ıesi ekenin tanytty. Jalpy, qaı ortada da, bala kezimizden bi­le­miz, beıresmı lıder, ıaǵnı kósh­bas­shy degen uǵym bolatyn. Ony barlyǵy moıyndaıdy, sózine qulaq asady, isine qarap boı túzeıdi. Biz­diń Elbasy arnaıy zań qabyl­dan­basa da ult aldynda osyndaı beı­re­smı kóshbasshy. Meniń bul pi­kirimdi ózgeler de qoldaıdy degen oı­damyn. О́ıtkeni, Nursultan Nazarbaev qashanda bizdiń kóshbas­shymyz bolǵan jáne bolyp qala ber­mek. Bul – shyn kóńilmen aıtylǵan sóz. Prezıdent óziniń kóshbasshylyq qasıetterin ispen dáleldegen azamat. Al ony zań tú­rinde engizý máselesine keletin bol­saq, bul, bálkim, sonshalyqty ma­ńyz­dy emes te shyǵar. Memleket bas­shysynyń bul zańǵa qol qoı­maýy onyń mártebesin bıiktetpese kemite qoıǵan joq. Amangeldi Momyshev: Elbasy – shynynda Ult kósh­basshysy degen atqa ábden laıyq adam. Biraq adam retinde men ol ki­sini túsinip, qoldaımyn. Zań qa­byldanbasa da ol kisi ult tanyǵan Elbasy. О́mir alda, bul tek jeke­legen bir toptyń emes, halyqtyń oıy bolatyn, tilegi-tuǵyn. Sol se­bepten zań jobasy dúnıege kelgen-di, biraq Prezıdent oǵan veto qoı­dy, ol Ata Zańymyzda jazylǵan quqyǵy. Osy zań jobasy bastamashy­lary­nyń biri Svetlana Ferho: Men de Elbasyn qurmetteıtin adamdardyń birimin, búgingi Pre­zıdent arnaýyna da osy turǵydan kelemin. Zań jobasy tek Par­la­ment qabyrǵasynda týǵan oıdan emes, halyqtyń óz ishinen, zııaly­lardan, stýdent jastardan, aǵa urpaq ókilderiniń pikirin jınaqtap baryp, zańdyq negizin qalaıyq degen oıdan týǵan joba bolatyn. Prezıdenttiń óz quzyretiniń bıi­ginen zańdy keri qaıtarýy, jalpy óz eliniń barlyq azamattaryna, Parlament pen partııalastaryna arnap, nege bas tartatynyn aıtýyn da bar yqylasymmen qabyl aldym. Sondyqtan, bul jerde menen qandaı oı aıtasyz dep suraý da artyq, men Elbasyn qurmetteımin, qoldaımyn. О́mir alǵa jyljıdy, ýaqyt bir orynda turmaıdy, endigi saýaldy aldaǵy kúnniń enshisine qaldyrǵanymyz abzal.