Endi bul qyzmetti Ashat Shaharov atqarady, dep jazady Egemen.kz.
«Memleket basshysynyń Jarlyǵymen Ashat Berleshuly Shaharov Aqtóbe oblysynyń ákimi laýazymyna taǵaıyndaldy», delingen Aqordanyń resmı habarlamasynda.
Ashat Shaharov 42 jasta, joǵary bilimi bar.
1999 jyly Qazaq memlekettik týrızm jáne sport akademııasyn dene shynyqtyrý pániniń oqytýshysy - sport boıynsha jattyqtyrýshy, 2002 jyly T.Rysqulov atyndaǵy Qazaq ekonomıkalyq ýnıversıtetin halyqaralyq ekonomıst mamandyǵy boıynsha bitirgen.
2013 jyly RF Prezıdenti janyndaǵy Reseı Memlekettik qyzmet jáne halyq sharýashylyǵy akademııasyn bitirgen.
Ekonomıka ǵylymdarynyń kandıdaty.
Sambodan úsh márte álem chempıony, eki dúrkin álem kýbogynyń ıegeri, dzıýdodan dúnıejúzilik birinshiliktiń qola júldegeri, QR eńbek sińirgen sport sheberi.
Ataqty sportshy eńbek jolyn 2000 jyly Q.Jubanov atyndaǵy Aqtóbe memlekettik ýnıversıtetinde sport pánderi kafedrasynyń aǵa oqytýshysy bolyp bastady.
2005 jyldyń qarasha aıynan Aqtóbe pedagogıkalyq ınstıtýty dene tárbıesi kafedrasynyń dosenti.
2007 jyldyń sáýir aıynan Aqtóbe oblystyq olımpıadashylar rezervin daıyndaý ortalyǵynyń dırektory.
2013 jyldyń maýsym aıynan beri BQO Qaratóbe aýdanynyń ákimi qyzmetin, 2017 jyldyń shilde aıynan kúni búginge deıin BQO Zelenov aýdanynyń ákimi boldy.