Igerilmegen granttar

Oqýǵa túse almaı qalǵan talapkerlerge grant ıegeri atanýǵa birneshe múmkindik bar. Solardyń biri – osy ıgerilmegen granttar. Jyl saıyn Eńbek jáne halyqty áleýmettik qorǵaý mınıstrligi, «Atameken» ulttyq kásipkerler palatasy jáne memlekettik organdar kadrlar qajettiligi bo­ıynsha usynǵan resmı aqparat negizinde memlekettik bilim berý tapsyrysy ornalastyrylady. Sol boıynsha bıyl 88 204 grant bólingen. Grant­tardyń basym bóligi «In­jenerlik, óńdeý, qurylys sa­la­lary», «Pedagogıkalyq ǵy­lymdar», «Aqparattyq-kom­mýnıkasııalyq tehnologııalar», «Jaratylystaný ǵylymdary, matematıka jáne statıstıka» bilim berý baǵdarlama toptaryna berilgen. Al ıgerilmeı qalǵan granttar qaıta bólinedi.

Talapkerlerdiń kókeıinde «ıgerilmegen granttarǵa qalaı ilige alamyz, ol úshin ne isteý ke­rek?» degen suraq týyndaǵany túsinikti. Alaıda ıgerilmegen grant­ty utyp alýǵa eshqandaı qu­­jat tapsyrýdyń qajeti joq. О́ıt­­keni ol ulttyq biryńǵaı tes­tileý nátıjesi boıynsha avtomat­ty túrde beriledi. Kimniń baǵy ja­nary upaıyna baılanysty. Talapkerlerge tek konkýrs nátı­jesin kútý kerek.

«Biz jyl saıyn bilim berý baǵdarlamalary bólinisinde mem­lekettik bilim berý tapsyrysyn bekitý barysynda Eńbek jáne halyqty áleýmettik qor­ǵaý mınıstrligi usynatyn ana­lıtıkalyq esepti negizge alamyz. Bıyl memlekettik bilim berý tapsyrysynyń 95,3 paıyzy ıgerildi. Igerilmegen grant­tar jalpy konkýrs boıyn­sha qaıta úılestirilip, UBT nátı­jesinde joǵary upaı jınaǵan, biraq jazdaǵy konkýrs qorytyn­dysynda grant ıege­ri atanbaǵan talapkerlerge beri­ledi», dedi Ǵylym jáne joǵary bilim mı­nıstr­liginiń bas sarapshysy Kúlásh Úsenova.

Mınıstrliktiń málimetinshe, qazirgi ýaqytta tıisti buıryqqa ózgeris engizý jumystary júrgi­zilip, bos granttardy qaıta bólý máselesi qarastyrylyp jatyr. Nátıjesi qyrkúıek-qazan aılarynda belgili bolady.