Qazaqstan sapynan óner kórsetetin Tımofeı Skatov pen Mıhaıl Kýkýshkın Sevılıa chellendjer týrnıriniń ekinshi aınalymynda ózara kezdesedi, dep jazady Egemen.kz Qazaqstan tennıs federasııasyna silteme jasap.
Álemniń 129-ynshy, atalǵan jarystyń 6-raketkasy Tımofeı Skatov bastapqy kezdesýinde dúnıejúzilik reıtıngte 269-orynda turǵan Polsha ókili Danıel Mıhalskıden 6:1, 5:7, 6:3 esebimen basym tústi.
Álemniń 242-raketkasy Mıhaıl Kýkýshkın reıtıngte 741-satydaǵy ıspanııalyq, 21 jastaǵy Dıego Aýgýsto Barreto Sanchespen oıyn alańyna shyǵyp, qarsylasyn 6:4, 6:4 esebimen tize búktirgen edi.