Úndistan bıligi memleket ataýyn «Bharat» dep ózgertýdi josparlap otyr. Úndi úkimeti eldiń tarıhı ataýyn qaıtarmaq nıette.
Tipti Parlamenttiń arnaıy sessııasyna tıisti qarar daıyndady. El Konstıtýsııasynyń 1-babyna Bharat ataýy engiziledi dep Úndistan ulttyq kongresiniń basshysy Djaıram Ramesh áleýmettik jelide jarııalady.
«Kezinde brıtandyqtar Bharat ataýyn Úndistanǵa aýystyryp edi. Bizdiń el myńdaǵan jyl boıy Bharat ataýymen tanylǵan. Al Úndistan ataýy otarshyldyqtyń sımvoly ispettes, sondyqtan Úndistan degen sóz el Konstıtýsııasynan alynyp tastalýy kerek», deıdi úkimettegiler.
G20 sammıtiniń resmı keshine shaqyrý qaǵazyna Bharat Prezıdentiniń atynan qol qoıylǵanyn da aıta ketken jón. Úndistan halqy hındı tilinde óz elin «Bharat» dep ataıdy, bul resmı qujattarda kórsetilgen. El ataýyn ózgertý týraly sheshim 18-22 qyrkúıek aralyǵynda ótetin Parlamenttiń arnaıy sessııasynda qabyldanýy múmkin.